web counter
LEXO PA REKLAMA!

SHKARKO APP

App Store
Google Play

E fundit!

x

Spektakël në Formula 1! Titulli në garën e fundit, Verstappen fiton në Katar

30 Nëntor 2025, 20:19, Sport CNA

Spektakël në Formula 1! Titulli në garën e fundit,

Max Verstappen mbajti të hapur garën për titullin e pestë radhazi në Formula 1, duke triumfuar në Çmimin e Madh të Katarit dhe duke ngushtuar ndjeshëm diferencën në kreun e klasifikimit.

Piloti holandez i Red Bull zhvilloi një garë të qëndrueshme, duke shfrytëzuar në mënyrë optimale ritmin e makinës dhe strategjinë, në një fundjavë ku menaxhimi i gomave dhe vendimet taktike luajtën rol vendimtar.

Gara nisi me Oscar Piastrin e McLaren në pole position. Episodi i periudhës me makinë sigurie solli një pikë kthese të rëndësishme, pasi McLaren zgjodhi të mos kryente ndalesë, duke u fokusuar te ruajtja e pozicioneve në pistë. Ndërkohë, Verstappen qëndroi brenda ritmit optimal dhe nisi gradualisht të ndërtonte avantazhin e tij.

Në pjesën e parë të garës, Piastri arriti të ruajë pozicionin e dytë, ndërsa Carlos Sainz i Ëilliams u bë një nga protagonistët kryesorë, duke kaluar nga vendi i shtatë në fillim të garës deri në podium me një ritëm të qëndrueshëm dhe parakalime të sakta.

Piloti tjetër i McLaren, Lando Norris, ndonëse në luftë për titull, pati një garë të matur dhe arriti të mbyllë në vendin e katërt, pas një dueli të vonshëm me Kimi Antonellin.

Fitorja e Verstappen, e shtata e sezonit, e ngjit atë në vendin e dytë të renditjes së përgjithshme të kampionatit, duke e çuar diferencën me Lando Norrisin në vetëm 12 pikë.

Piastri mbetet gjithashtu në garë, me 16 pikë nga shoku i tij i skuadrës. Me një garë të vetme të mbetur, finalen në Abu Dhabi, lufta për titullin e Formula 1 mbetet plotësisht e hapur, me tre pilotë të përfshirë brenda një diference minimale pikësh.





Lajmet e fundit nga