web counter
LEXO PA REKLAMA!

SHKARKO APP

App Store
Google Play

E fundit!

x

Oferta me 20 milionë euro në sezon, Leao vendos për të ardhmen

28 Qershor 2024, 12:41, Sport CNA

Oferta me 20 milionë euro në sezon, Leao vendos për të

Rafael Leao do të qëndrojë te Milani, të paktën edhe për një tjetër sezon. Sulmuesi i Portugalisë ka vendosur të refuzojë një ofertë të majme nga Arabia Saudite.

Al Hilal tentoi transferimin e lojtarit, si dëshirë e madhe e trajnerit Jorge Jesus, i cili i besoi që në fillimet e karrierës.

Klubi arab i ofroi 20 milionë euro në sezon, për ta bindur që të largohet nga Milani. Megjithatë, Leao nuk dëshiron të largohet nga futbolli evropian. Sulmuesi kërkon të qëndrojë te skuadra italiane, pasi beson që është vendi i duhur, ku mund të arrijë majat e larta si futbollist.

“Corriere dello Sport”, raporton se Leao ishte në bisedime me Al Hilal, të cilët i ofruan 20 milionë euro në sezon. Gjithashtu klubi nga Arabia Saudite kishte gati edhe një ofertë prej 100 milionë eurosh për Milanin, por italianët e kanë bërë të qartë se nuk heqin dorë nga sulmuesi, për asnjë shifër posht 175 milionë eurosh, aq sa parashikon edhe klauzola e vendosur.

Leao, për momentin është i fokusuar në Europian me Portugalinë dhe nuk është se po shkëlqen siç e konfirmojnë dy kartonë të verdhë, në po aq ndeshje. Për më tepër, me një arsye banale siç është simulimi.

Pas rikthimit te kuqezinjtë, 25-vjeçari do të vihet nën urdhrat e bashkëkombësit të tij, Paulo Fonseca, që u emërua trajner i Milanit pak javë më parë, aty ku do të pasojë Stefano Piolin.





Lajmet e fundit nga