web counter
LEXO PA REKLAMA!

SHKARKO APP

App Store
Google Play

Kupa e Amerikës/ Uruguai kualifikohet me 5 gola, Panamaja surprizon

28 Qershor 2024, 11:18, Sport CNA

Kupa e Amerikës/ Uruguai kualifikohet me 5 gola, Panamaja surprizon

Uruguai bëri detyrën në ndeshjen e Grupit C, duke mposhtur Bolivinë me rezultatin e thellë 5-0. Një ndeshje pa shumë histori, e cila u zgjidh që në pjesën e parë.

Pellistri zhbllokoi sfidën në minutën e 8-të, pas një asisti të marrë nga Araujo, ndërsa në minutën e 21-të, Nunjez dyfishoi shifrat.

Me fitoren të siguruar, pjesa e dytë ishte vetëm për statistikë, me uruguaianët, që gjithsesi nuk i ndalën sulmet e tyre.

Araujo realizoi të tretin në minutën e 77-të, para se Valverde të shënonte golin e katërt në minutën e 81-të.

Në fund kishte vend edhe për një gol të Bentakur, që kompletoi fitoren me manita. Ky sukses i siguron Uruguait kalimin e grupit dhe pjesëmarrjen në çerekfinalen e Kupës së Amerikës, pasi mban vendin e parë me 6 pikë.

Në ndeshjen tjetër të Grupit C, Panamaja bëri surprizën më të madhe deri tani në këtë turne, duke mposhtur me rezultatin 2-1 organizatorët e SHBA-së.

Përballja nisi e zjarrtë nga fillimi, me amerikanët që panë t’u anulohet goli i parë në minutën e 5-të, për pozicion jashtë loje.

Në minutën e 18-të, Weah la organizatorët me 10 lojtarë, pasi u ndëshkua me karton të kuq. Edhe pse në inferioritet numerik, amerikanët gjetën avantazhin me Balogun në minutën e 22-të.

Megjithatë, ky avantazh zgjati pak, pasi Blackman vendosi baraspeshën për Panamanë në minutën e 26-të.

Fajardo realizoi golin e avantazhit dhe të fitores për Panamanë në minutën e 83-të, me rezultatin që nuk ndryshoi deri në fund.

Me këtë humbje, SHBA mbetet në vendin e dytë me 3 pikë, po aq sa edhe Panamaja e vendit të tretë.





Lajmet e fundit nga