web counter
LEXO PA REKLAMA!

SHKARKO APP

App Store
Google Play

E fundit!

x

Asambleja e Përgjithshme Zgjedhore e SHRF Elbasan, Ilirjan File rizgjidhet kryetar

6 Janar 2026, 19:23, Sport CNA

Asambleja e Përgjithshme Zgjedhore e SHRF Elbasan, Ilirjan File rizgjidhet

U zhvilluan sot, më 6 janar, punimet e Asamblesë së Përgjithshme Zgjedhore të Shoqatës Rajonale të Futbollit Elbasan, ku morën pjesë 29 anëtarë të shoqatës, të përfaqësuar nga 31 delegatë, të cilët diskutuan dhe miratuan çështjet kryesore të rendit të ditës, ku më e rëndësishmja ishte zgjedhja e kryetarit të SHRF Elbasan për katërvjeçarin e ardhshëm.

Komisioni i Verifikimit, që është organi përgjegjës për organizimin e procesit zgjedhor, deklaroi se komisionit i është paraqitur vetëm një kandidaturë për Kryetar, konkretisht kërkesa për rikandidim nga Ilirjan File, i propozuar nga 21 anëtarë të shoqatës.

Pas votimit, Asambleja e Përgjithshme Zgjedhore e Shoqatës Rajonale të Futbollit Elbasan, me unanimitet të plotë, vendosi të zgjedhë Kryetar të SHRF Elbasan Ilirjan File me mandat 4-vjeçar.

Gjatë punimeve, u miratuan pasqyrat financiare, buxheti për vitin 2026, si edhe u zgjodhën delegatët në Asamblenë e Përgjithshme të Federatës Shqiptare të Futbollit, që janë Ilirjan File, Julian Cota dhe Anxhelo Suta.

Në rendin e ditës ishin edhe propozimet për kandidatë për President të FSHF-së dhe për anëtarë të Komitetit Ekzekutiv. Anëtarët e shoqatës kanë propozuar si kandidat Armand Duka për postin e Presidentit të FSHF-së, që u votua nga të gjithë anëtarët e shoqatës gjatë punimeve të asamblesë.

Gjithashtu, anëtarët e shoqatës kanë të drejtë të propozojnë një kandidat për anëtar të Komitetit Ekzekutiv të Federatës Shqiptare të Futbollit.

Asambleja e Përgjithshme e Shoqatës Rajonale të Futbollit Elbasan vendosi të miratojë propozimin e Abdyl Kuriu si kandidat për anëtar të Komitetit Ekzekutiv të Federatës Shqiptare të Futbollit.





Lajmet e fundit nga