web counter
LEXO PA REKLAMA!

SHKARKO APP

App Store
Google Play

E fundit!

x

Reagon Valduci: Armand Duka punon mbrapa krahëve të mi

6 Janar 2026, 17:32, Sport CNA

Reagon Valduci: Armand Duka punon mbrapa krahëve të mi

Sot, Shoqata Rajonale e Futbollit Tiranë zhvilloi punimet e Asamblesë së Përgjithshme Zgjedhore, ku anëtarët propozuan si kandidat Armand Duka për postin e Presidentit të FSHF-së.

Pas kësaj, Ardiano Valduci ka reaguar ashpër, ku ka thënë se mund të shkojë deri në shpalljen e kandidaturës për kreun e FSHF-së.

“Do bashkohem me Blendi Fevziun, do marrim nga pas edhe profesor Pëllumb Pilincin, në këtë garë që ta shkatërrojmë Dukën, sepse ai punon prapa krahëve të mi. Dikur më kërkonte skema për kualifikimin e Kombëtares. Shpallte fitoret me kontributet dhe skemat e mia klasike, që sollën edhe kualifikimin e kuqezinjve për në “play off”-in e Botërorit. Nga ana tjetër, Armand Duka nuk më ka ftuar fare në Asamble dhe kjo është fyese”, theksoi Valduci.

Përgjegjësi për këtë, sipas Valducit ka edhe presidenti i Skënderbeut, Ardjan Takaj, i cili nuk e ka kujtuar Dukën.

“Në raste të tilla, Dukën e kujton Takja dhe këtë nuk e ka bërë, megjithëse për këtë më ka kërkuar ndjesë personalisht. Më ka thënë që do të reflektojë, por nga ana tjetër duket që Armand Duka është në një rrugë pa krye. Nuk po reagon.

Po mban qëndrime indiferente tani po përdor variantin e fjalës popullore: “Kalova lumin, të dh.....a kalin”. Nuk do ta lejojmë Dukën. Unë së bashku me Blendi Fevziun dhe profesor Pilincin, jemi duke negociuar për një strategji të re, goditëse ndaj Dukës, i cili merr benefitet e skemave të mia dhe shpall kandidaturën pa më ftuar në mbledhje. Ky është një qëndrim i gabuar i Dukës, i cili do të marrë përgjigjen e menjëhershme nga ana ime. Po e them publikisht që do e shkatërroj Armand Dukën”, theksoi Valduci i prerë.





Lajmet e fundit nga