web counter
LEXO PA REKLAMA!

SHKARKO APP

App Store
Google Play

Anglia kërkon rikthimin te fitorja, Danimarka dhe Serbia luajnë kualifikimin

25 Qershor 2024, 12:40, Sport CNA

Anglia kërkon rikthimin te fitorja, Danimarka dhe Serbia luajnë

Pas barazimit zhgënjyes ndaj Danimarkës, tek Anglia duan të rikthehen te fitorja në ndeshjen e fundit të Grupit C.

Kombëtarja e "Tre Luanëve" përballet me Slloveninë, në një ndeshje që në letër duket e lehtë.

Skuadra e drejtuar nga Sauthgejt vjen si një ndër favoritet për të fituar Europianin, por pas ndeshjes së fundit, kritikat kanë qenë të shumta, kryesisht në lidhje me zgjedhjet e bëra nga trajneri.

Anglia ka 4 pikë të grumbulluara, ndërsa edhe sllovenët shpresojnë, me 2 pikë pas dy takimeve. Me një fitore në Këln, anglezët e mbyllin të parët në grup, por kualifikohen më tej edhe me një barazim.

Nga të gjitha ekipet pjesëmarrëse që kanë luajtur dy takime në "Euro 2024", vetëm Skocia ka gjuajtur më pak në portë sesa ekipi anglez.

Presioni në skuadër është shtuar për faktin se nuk bën presing mjaftueshëm e në përballjen e radhës priten ndryshime në formacion.

Ndërsa sllovenët ende nuk kanë festuar një fitore në Europian. Ekipi realizoi golin e parë në kompeticion në 24 vite, ndërsa këtë herë ka shansin më të mirë që të arrijë kualifikimin në fazën pasardhëse.

Ndeshja tjetër e Grupit C, do të jetë ajo mes Danimarkës dhe Serbisë. Kualifikimi është i hapur për të dyja ekipet, që synojnë me çdo kusht fitoren. Kombëtaret janë përballur 10 herë në historinë e tyre, me danezët që kanë fituar pesë herë, 4 prej të cilave në përballjet e fundit.

Dy ndeshjen e kësaj të marte janë planifikuar të luhen duke nisur nga ora 21:00.





Lajmet e fundit nga