web counter
LEXO PA REKLAMA!

SHKARKO APP

E fundit!

x

“Alarm” në Kombëtare, katër lojtarë me probleme para Serbisë

30 Shtator 2025, 15:18, Sport CNA

“Alarm” në Kombëtare, katër lojtarë me probleme

Kombëtarja shqiptare po përballet me probleme të shumta dëmtimesh pak ditë para ndeshjes së rëndësishme kundër Serbisë.

Pas lajmit për shqetësimet muskulore të Arbër Hoxhës në Kroaci, dy lojtarë të tjerë kanë pësuar dëmtime. Ardian Ismajli la fushën në fundin e ndeshjes Parma-Torino, pasi ndjeu probleme fizike pas një penalltie të shkaktuar.

Nga ana tjetër, Julian Shehu u detyrua të zëvendësohej në pushimin e sfidës së kampionatit polak mes Wizdew Lodz dhe Rakovit, për shkak të dhimbjeve. Sipas klubit të tij, bëhej fjalë për një masë parandaluese, por ende nuk dihet gjendja e saktë.

Ndërkohë, edhe Marash Kumbulla është i dëmtuar dhe me shumë gjasa nuk do të jetë i gatshëm për ndeshjen e 11 tetorit në Serbi. Këto mungesa po e vështirësojnë punën e stafit teknik, që shpreson të rikuperojë sa më shumë lojtarë.





Lajmet e fundit nga