LEXO PA REKLAMA!

SHKARKO APP

E fundit!

x

Nuk ndryshojnë temperaturat/ E marta, nën ndikimin e masave ajrore të nxehta

28 Shkurt 2023, 08:07, Sociale CNA

Nuk ndryshojnë temperaturat/ E marta, nën ndikimin e masave ajrore

Territori shqiptar do të jetë nën ndikimin e masave ajrore të ngrohta, por të pasura me lagështirë, të cilat pritet të sjellin vranësira të shpeshta në të gjithë vendin.

Parashikohet që gjatë paradites të ketë edhe intervale të shpeshta me kthjellime, të cilat do të jenë më të dukshme në zonat perëndimore.

Por vranësirat herë pas here do të pësojnë zhvillime duke sjellë reshje shiu që më të dukshme do të jenë në pjesën e dytë të ditës në një pjesë të mirë të vendit tonë. Në zonat e thella malore do të ketë reshje të pakta dëbore.

Temperaturat e ajrit do të mbeten të pandryshuara në mëngjes, por do të rriten në mesditë duke u luhatur nga 2°C deri në 19°C.

Era do të fryjë e lehtë dhe mesatare me shpejtësi 35 km/h nga drejtimi lindor-juglindor duke sjellë në brigjet detare dallgëzim 2 - 3 ballë.

Moti, e mërkurë, 1 mars 2023

Sipas MeteoAlb, pjesa e parë e ditës do të sjellë dominim të vranësirave të shpeshta në të gjithë territorin, ku pritet që në zona të izoluara të sjellin dhe reshje të pakta shiu.

Por në zonat perëndimore dhe jugperëndimore do të ketë dhe intervale të shkurtra me kthjellime.

Ndërsa pas mesdite pritet që vranësirat të bëhen të dendura në të gjithë Shqipërinë duke sjellë reshje shiu, ku në zona të izoluara do të ketë dhe rrebeshe afatshkurtra.

Përgjatë së mërkurës do të kemi sërish rishfaqje të flokëve të dëborës në zonat e thella malore verilindore.

Temperaturat e ajrit do të mbeten konstante në mëngjes, por do të ulen ndjeshëm në mesditë duke u luhatur nga 2°C deri në 16°C.

Era do të fryjë mesatare dhe e fortë në det me shpejtësi 45 km/h nga drejtimi juglindor duke sjellë në brigjet detare dallgëzim 3 - 4 ballë./CNA.al

Lajmet e fundit nga