LEXO PA REKLAMA!

SHKARKO APP

Temperaturat deri në 18 gradë celsius/ Moti për ditën e sotme

26 Shkurt 2023, 08:08, Sociale CNA
Temperaturat deri në 18 gradë celsius/ Moti për ditën e
Foto ilustruese

Vendi ynë pritet që të dielën të përfshihet nga një front i pasur me lagështirë, duke bërë që deri në orët e mesditës të kemi vranësira të shpeshta në territor, të cilat do të krijojnë mundësi për reshje të pakta, kryesisht në zonat veriore.

Por gjatë paradites do të ketë edhe intervale me kthjellime. Ndërsa pjesa e dytë e ditës do të sjellë shtim të vranësirave në vend, ku më të dukshme do të bëhen në orët e mbrëmjes dhe natës duke sjellë reshje shiu në të gjithë vendin tonë, pritet që në zona të izoluara në veriperëndim të Shqipërisë të ketë edhe rrebeshe afatshkurtra shiu.  

Temperaturat e ajrit do të rriten lehtë në mëngjes, por mbeten konstante në mesditë duke u luhatur nga 5°C deri në 18°C.

Era do të fryjë mesatare dhe e fortë në det me shpejtësi 55 km/h nga drejtimi jugor - jugperëndimor duke sjellë në brigjet detare dallgëzim 4 - 5 ballë./ CNA.al

Lajmet e fundit nga