LEXO PA REKLAMA!

SHKARKO APP

Rriten ndjeshëm temperaturat/ Rikthehen ditët e ngrohta

18 Shkurt 2023, 08:03, Sociale CNA

Rriten ndjeshëm temperaturat/ Rikthehen ditët e ngrohta

Pjesa e parë e ditës në Shqipëri pritet të sjellë orë të shumta me diell në të gjithë territorin.

Por duke filluar nga orët e pasdites dhe në vijim parashikohet që në vendin tonë të kemi shfaqje të vranësirave kalimtare, të cilat më të dukshme do të jenë përgjatë kufirit Lindor, por vranësirat nuk do të mund të gjenerojnë reshje.

Ndërsa vija bregdetare do të mbetet përgjatë gjithë ditës në mbizotërimin e motit të kthjellët.

Temperaturat e ajrit do të rriten në mëngjes dhe në mesditë duke u luhatur nga 0°C deri në 18°C.

Era do të fryjë e lehtë dhe mesatare me shpejtësi 35 km/h nga drejtimi Jugor duke sjellë në brigjet detare dallgëzim 2 - 3 ballë.

Moti, e hënë, 20 shkurt 2023

Sipas MeteoAlb, vendi ynë do të vijojë të dominohet nga kushtet e qëndrueshme atmosferike, të cilat do të sjellin orë të shumta me diell gjatë paradites.

Parashikohet që vranësirat të shfaqen në pjesën e dytë të ditës duke bërë që në zona të izoluara në skajin Verilindor të ketë dhe momente të pakta me pika shiu.

Por mbrëmja dhe nata do të përmirësojnë motin.

Ndërsa zonat Jugore do të jenë në dominimin e kthjellimeve dhe kalimeve të pakta të vranësirave të cilat më të dukshme do të jenë në Juglindje të Shqipërisë.   

Temperaturat e ajrit do të rriten në mëngjes, por do të ulen lehtë në mesditë duke u luhatur nga 1°C deri në 17°C.

Era do të fryjë e lehtë dhe mesatare me shpejtësi 40 km/h nga drejtimi Jugor-Jugperëndimor duke sjellë në brigjet detare dallgëzim 4 ballë./CNA.al

Lajmet e fundit nga