web counter
LEXO PA REKLAMA!

SHKARKO APP

App Store
Google Play

Ikin temperaturat dimërore/ Diell në të gjithë vendin

22 Shkurt 2023, 07:54, Sociale CNA

Ikin temperaturat dimërore/ Diell në të gjithë vendin

Prej disa ditësh i gjithë territori shqiptar ndodhet nën dominimin e motit të qëndrueshëm, ku edhe në orët e para të ditës së mërkurë do të kemi dominim të kthjellimeve në një pjesë të mirë të vendit tonë.

Por pritet që kryesisht pasditja të sjellë kalime të pakta vranësirash në zonat malore dhe në qytetet e zonës së ulët, por nuk do të sjellin reshje.

Ndërsa vija bregdetare do të vijojë të jetë nën mbizotërimin e intervaleve të gjata me kthjellime përgjatë gjithë 24-orëshit.  

Temperaturat e ajrit do të ulen në mëngjes, por do të mbeten konstante dhe në mesditë duke u luhatur nga 1°C deri në 17°C.

Era do të fryjë e lehtë dhe mesatare me shpejtësi 30 km/h nga drejtimi verior duke sjellë në brigjet detare dallgëzim 2 ballë.

Moti, e enjte, 23 shkurt 2023

Sipas MeteoAlb, deri në orët e mesditës një pjesë e mirë e vendit tonë parashikohet të jetë nën dominimin e kthjellimeve, por në zonat e thella malore do të ketë kalime të lehta vranësirash.

Ndërsa në orët vijuese pritet të ketë shfaqje të vranësirave të pakta dhe të përkohshme në të gjithë zonën malore të Shqipërisë dhe në qytetet e zonës së ulët.

Kthjellimet do të mbeten mbizotëruese edhe përgjatë pjesës së dytë të ditës në zonat perëndimore dhe jugperëndimore të territorit shqiptar.

Temperaturat e ajrit do të mbeten konstante në mëngjes, por do të ulen lehtë në mesditë duke u luhatur nga 1°C deri në 16°C.

Era do të fryjë e lehtë dhe mesatare me shpejtësi 25 km/h nga drejtimi perëndimor duke sjellë në brigjet detare dallgëzim të ulët.





Lajmet e fundit nga