LEXO PA REKLAMA!

SHKARKO APP

Reshje shiu, shtrëngata dhe borë/ Si e parashikojnë sinoptikanët motin për javën e ardhshme

26 Shkurt 2023, 16:35, Sociale CNA
Reshje shiu, shtrëngata dhe borë/ Si e parashikojnë
Foto ilustruese

Për javën që presim përpara, vendi ynë do të ndikohet nga kushte atmosferike kryesisht të paqëndrueshme dhe mot që mund t’i përshtatet fare mirë shprehja “as mish, as peshk”. Kjo situatë vjen si pasojë e “mbërthimit” të disa qendrave të presionit të ulët, pozicionuar për të gjithë javën mbi rajonin e pellgut të Mesdheut.

Në këtë mënyrë, duke filluar që nga dita e nesërme (e hënë), moti parashikohet me vranësira mesatare deri të dendura, por edhe alternime të herëpashershme me diell (kthjellime). Në momentin e vranësirave të dendura priten reshje shiu me intensitet deri mesatar në formën e shtrëngatave, por hera-herës, lokalisht dhe në periudha afatshkurtra rrebeshe shoqëruar me shkarkesa elektrike dhe breshër.  

Sipas Shërbimit Meteorologjik Ushtarak, dita e martë parashikohet kryesisht me diell e vranësira kalimtare deri të dendura, por edhe reshje shiu të dobëta dhe lokale, kryesisht në orët e mbrëmjes.

Më pas, duke fiiluar nga dita e mërkurë deri në fund të javës (ditët e enjte dhe e premte), moti parashikohet me alternime kthjellimesh dhe vranësirash deri të dendura. Priten reshje shiu të herëpashershme me intensitet deri mesatar në formën e shtrëngatave. Përsëri reshjet për këto ditë, në periudha afatshkurtra, do të jenë në formën e rrebesheve shoqëruar me shkarkesa elektrike dhe breshër. 

Në zonën e Alpeve, por edhe në relievet e tjera të larta malore të vendit, në lartësitë mbi 1000 metër parashikohen reshje dëbore kryesisht me intensitet të ulët, por lokalisht edhe mesatare./ CNA.al

Lajmet e fundit nga