web counter
LEXO PA REKLAMA!

SHKARKO APP

App Store
Google Play

E fundit!

x

Diell, rrebeshe, stuhi, borë dhe breshër/ Parashikimi i motit për javën

4 Mars 2024, 07:04, Sociale CNA

Diell, rrebeshe, stuhi, borë dhe breshër/ Parashikimi i motit për

Kalimet e herëpashershme të disa qendrave me vlera të larta presioni, me origjinë atlantike, do të bëjnë që kjo javë në vendin tonë të dominohet nga kushte atmosferike të paqëndrueshme.

Ditën e hënë, të martë dhe të enjte reshjet e shiut do të jenë prezente kryesisht gjatë orëve të mesditës në formën e rrebesheve të shpejta dhe stuhive afatshkurtra, shoqëruar me shkarkesa elektrike dhe breshër.

Reshjet e dëborës do të jenë prezente në Alpe, në verilindje në lartësinë mbi 1400 m dhe në juglindje mbi lartësitë 900 m me intensitet të ulët deri mesatar.

Ditën e mërkurë dhe të premte reshjet parashikohen të jenë të herëpashershme me intensitet të ulët, ndërsa hera-herës shtrëngata të karakterit lokal.

Megjithatë gjatë këtyre ditëve nuk do të mungojnë intervale kthjellimesh dhe të orëve me diell.

Era ditën e hënë shfaqet intensive dhe problematike me drejtim nga kuadrati i jugut 2-9 m/s, ndërsa në bregdet e lugina 11-17 m/s, shoqëruar me dallgëzim të forcës 3-5 ballë.

Ditët e tjera era ndryshon drejtimin dhe ul intensitetin, duke u bërë për pjesën më të madhe të kohës me drejtim juglindje-veriperëndim 1-6 m/s, shoqëruar me dallgëzim të forcës 1-2 ballë.

Vlen të theksohet prezenca e mjegullës/mjegullinës në zonat luginore e pjesërisht zonat e ulëta në orët e para të mëngjesit dhe në momentin e reshjeve të shiut./ CNA

Diell, rrebeshe, stuhi, borë dhe breshër/ Parashikimi i motit për





Lajmet e fundit nga