web counter
LEXO PA REKLAMA!

SHKARKO APP

App Store
Google Play

E fundit!

x

AKU Shkodër sekuestron 124 kg mish/ Raderi: 30 subjekte të kontrolluara, 4 me probleme

23 Qershor 2025, 13:26, Sociale CNA

AKU Shkodër sekuestron 124 kg mish/ Raderi: 30 subjekte të

Shfaqja e murtajës te dhentë në Shkodër ka bërë që Autoriteti Kombëtar i Ushqimit të ushtrojë kontrolle në të gjitha pikat e tregtimit të mishit.

Drejtori rajonal i AKU-së, Ramir Haderi, shprehet se nga këto kontrolle të ushtruara është konfiskuar një sasi mishi prej 124 kg në katër subjekte të ndryshme ndërsa në total janë kontrolluar 30 subjekte deri më tani.

“Me shfaqjen e sëmundjes së murtajës në Shkodër kemi marrë masa për të ushtruar kontrolle në subjektet e tregtimit të mishit. Në 4 subjekte kemi konstatuar probleme me mishin dhe janë marrë masat tona të nevojshme deri në bllokimin e aktivitetit për këto 4 subjekte. Është bllokuar një sasi mishi 124 kg dhe janë marrë të gjitha masat e nevojshme për këto raste. Në Shkodër deri tani janë kontrolluar 30 subjekte të tregtimit, përpunimit dhe pika e shitjes së mishit dhe ndërkohë puna jonë do të vijojë në pikat kufitare dhe akset kryesore ku ka tregtim të kafshëve”, tha Haderi.

Kreu i AKU-së në Shkodër, Haderi, thotë se qëllimi është ndalimi i përhapjes së mëtejshme të sëmundjes së murtajës te dhentë në bashkëpunim me institucionet e tjera, ndërsa tregon se për 4 subjektet konkrete të gjetura në abuzim ka nisur procedim penal.

 

“Jemi në koordinim edhe me institucione të tjera që të ndalojmë përhapjen e sëmundje së murtajës. Jemi në një punë intensive 24 orë në mënyrë që të mos kemi probleme. Thirrja për ndërgjegjësimin e fermerëve është që të respektojnë rregullat dhe tregtimi i mishit të bëhet me certifikatë nga veterineri zyrtar dhe të mos kemi raste abuzimi sepse do ketë sekuestro dhe asgjësim. Në bashkëpunim me policinë e shtetit do t'i çojmë për procedim penal. Për rastet konkrete ka nisur procedimi penal për mashtrim të konsumatorit. Situata është e menaxhueshme sepse jemi duke punuar 24 orë si në pikat kufitare po ashtu edhe në akset kryesore dhe jemi duke ushtruar kontrolle në gjithë subjektet që tregojnë mish për konsumatorin. Nga ana jonë nuk ka pasur tolerencë dhe u bëjmë thirrje edhe konsumatorëve që të denoncojnë çdo rast për çdo indicie që mund të kenë”, u shpreh drejtori i AKU-së Shkodër.

 

Për momentin fokusi i AKU-së në Shkodër është te tregtimi i mishit për shkak të përhapjes së murtajës te dhentë në disa qytete të vendit, por në të njëjtën kohë vijon puna edhe për sigurinë ushqimore përgjatë këtij sezoni turistik me kontrollin e subjekteve të ndryshme në Qarkun e Shkodrës./ CNA





Lajmet e fundit nga