Beteja mes jetës dhe vdekjes/ Premtimi i fëmijëve shpëton babanë e sëmurë

15 Qershor 2025, 17:45, Sociale CNA

Beteja mes jetës dhe vdekjes/ Premtimi i fëmijëve shpëton

Çelniku jeton në Francë dhe prej 8 vitesh nuk ka shkelur në Shqipëri. Ndalesa e tij e parë pas kaq vitesh është studioja e së “Dielës Shqiptare” në Tv Klan pasi një mision e ka sjellë në “Ka Një Mesazh Për Ty”.

Çelniku është baba i tre fëmijëve, dy vajza e një djalë. Në vitin 2015, ai u gjend në një betejë të vërtetë për jetën pasi iu gjet tumor i avancuar në stomak. Pas operacionit, Çelniku shkoi për kurim në Francë, por koka i mbeti pas. Vajza e dytë, Klaudia, qëndroi në Shqipëri për të realizuar premtimin ndaj tij që të bëhej juriste. Nga ana tjetër, edhe Çelniku i kishte bërë një premtim.

Çelnik: Në vitin 2015 më nxorën me tumor në stomak. Doktorët më thanë që ka përparuar shumë sëmundja, direkt duhet të operohesh. U operova. Më hoqën katër të pestat e stomakut. Bëra 7 seanca terapi, isha 43 kile, mosha ime ishte 44 vjeç, me tre fëmijë të vegjël. Më thanë doktorët që është shumë e vështirë, i thanë nuses, familjes që ne nuk kemi çfarë t’i bëjmë, merre. Vendosëm që në 2017 me nusen dhe djalin do të iknim si gjithë të tjerët emigrim në Francë. Vajza ime kishte filluar shkollën, vitin e parë dhe unë kisha shumë dëshirë që vajzën e dytë ta bëja juriste. E madhja mbaroi infermierinë dhe t’i shkolloja fëmijët, por nuk e mendoja që do të më vinte një sëmundje kaq e rëndë sa të luaja me shëndetin. Vendosëm dhe i them vajzës do të ikim në emigrim, jo tha. Atëherë i them atëherë po vdiq babai ti të dalësh në jetë, të më japësh fjalën, premtimin që do të bëhesh juriste e vërtetë. Më ka thënë dakord babi, mos të kesh merak.

Ardit Gjebrea: Vajza të premtoi.

Çelnik: Më premtoi.

Ardit Gjebrea: Do të bëj shkollën.

Çelnik: Më premtoi dhe më tha edhe ti do të bëhesh mirë, edhe do të jetosh, do të kesh shumë dëshirë që ne të të takojmë përsëri.

Ardit Gjebrea: Pra vajza të dha një premtim, por edhe të kërkoi një premtim.

Çelnik: Shumë e drejtë, që të jetosh.

Ardit Gjebrea: Që nuk ishte në dorën tënde në fund të ditës.

Çelnik: Nuk ishte fare në dorën time!/tvklan.al