E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Ushqimet që dëmtojnë zemrën

19 Dhjetor 2023, 07:28, Shëndeti Ilir Allkja

Disa nga miqtë mi kanë ndërruar jetë, disa të tjerë marrin rregullisht ilaçe.

Pse?

Gjithmonë jemi në kohë për të marrë një vendim për të ruajtur zemrën dhe enët e gjakut të shëndetshme pavarësisht sa keq keni abuzuar!

Unë po ju përshkruaj disa nga ushqimet që shkatërrojnë keq shëndetin e zemrës.

- Ushqimet e skuqura, të cilat ne i kemi traditë dhe na pëlqejnë fort, pula e skuqur, patatet e skuqura etj, rrisin rrezikun e sëmundjeve të zemrës.

Këto ushqime rrisin kolesterolin e keq dhe ulin kolesterolin e mirë.

- Mishrat e përpunuara si qoftet, sallamrat dhe proshutat janë shpesh të pasura me yndyra të ngopura, yndyrna trans dhe konservantë. Edhe variantet me pak yndyrë, përmbajnë sasi të larta natriumi.

Marrja e lartë e natriumit është e lidhur me tensionin e lartë të gjakut dhe shmangia e kripës shtesë mund ta përmirësojë shumë atë.

- Ushqimet fast-food, ushqimet KFC, picat, etj. përmbajnë ndyrna të ngopura & trans që kontribuojnë në sëmundje të zemrës, dëmi i tyre është plotësisht i qartë. Në përgjithësi, megjithatë, yndyrat e ngopura nga kafshët, veçanërisht të kombinuara me karbohidrate, kanë efekte negative në shëndetin e zemrës.

Restorantet në përgjithësi priren të përdorin përbërës me cilësi më të ulët, si dhe metoda të pashëndetshme gatimi. Shmangia e tyre është një mënyrë e mirë për të qenë të sjellshëm me zemrën tuaj.

- Ëmbëlsirat e shumta (nga tortat deri te bakllavatë e plot produkte në furrat e bukës përmbajnë sheqer industrial) kontribuojnë direkt në inflamacion, obezitet, diabet, kolesterol të lartë, të cilët të gjithë janë faktorë madhorë rreziku për sëmundjet e zemrës.

- Lëngjet dhe pijet joalkoolike industriale, të cilat në dukje përmbajnë një sasi të ulët sheqeri, por kanë konservantë e substanca të tjera që dëmtojnë zemrën.

- Produktet e pjekura, picat, byrekët, sanduiçët përmbajnë yndyrna të ngopura si dhe yndyrna trans.

Këto ushqime shpesh përmbajnë shumë natrium (kripë).

Kur hani pica ose byrekë, kufizojeni veten në një ose dy feta të vogla dhe zgjidhni ato që mbushen me perime.

- Margarina, bën pjesë në yndyrnat trans, të hidrogjenizuara. Në fëmijërinë time (vitet 80) ka qenë mundësia e vetme për t'u ushqyer, ishte alternativa e gjalpit. Margarina është fajtore e depozitimeve dhjamore në enët e gjakut, në pjesët e brendshme të tyre, në organet përreth barkut, përreth zemrës, mbipeshën etj.

Le të angazhohemi për të jetuar në mënyrë më të shëndetshme!

Jeta nuk vjen dy herë.