E fundit!

17:06 Sociale

Ndryshon moti në korrik/ Stuhia e madhe i afrohet Ballkanit

E gjithë Europa Jugore do të përballet gjatë kësaj jave me...

Shifra shqetësuese në Korçë/ Rriten rastet me hepatit C

6 Dhjetor 2023, 14:12, Shëndeti CNA

Korça ka pësuar një rritje të rasteve me sëmundjen e hepatitit C. Sipas të dhënave, 10% e përdoruesve të drogës, të cilët testohen para përdorimit të metadonit, kanë rezultuar të infektuar me hepatit C. Kjo bëhet e ditur nga infermierja pranë Qendrës Ditore të Rehabilitimit, Marinela Fustanja, e cila ka treguar se janë një sërë analizash që kryhen pranë kësaj qendre.

“Pranë qendrës sonë paraqiten persona që kanë konsumuar heroinën dhe konkretisht personat që e kanë konsumuar nëpërmjet shiringave. Detyrimisht këta persona janë më të riskuarit për t’u kapur nga sëmundja e hepatitit C. Konkretisht pranë qendrës sonë janë 100 persona të regjistruar dhe nga këta 10 % e tyre janë të diagnostikuar me hepatit C. Pasi kanë kryer analizat pranë qendrës sonë, analiza të cilat nuk kryhen vetëm të hepatit C por edhe hepatiti B, sifilizi apo HIV-AIDS. Pasi kanë kryer këto katër analiza pranë qendrës sonë dhe diagnostikuar këta persona me hepatit C, ata marrin informacionin e duhur ku të paraqiten te mjekët infeksionistë”, u shpreh ajo.

Sipas infermieres, shkaku i përhapjes së sëmundjes së hepatitit C, është pikërisht shkëmbimi i shiringave duke përdorur të njëjtën agë pas marrjes së heroinës. Numri i rasteve është në rritje, sidomos te grupmoshat e reja.

“Shkaqet e kësaj sëmundjeje janë shkëmbimi i shiringave duke qenë se hepatiti C transmetohet nëpërmjet gjakut, shkëmbimi i shiringave që këta kanë bërë pas përdorimit të heroinës me njëri-tjetrin i ka bërë të mundur që këta të jenë mbartës të hepatitit C.

Trendi është në rritje i këtyre personave, prandaj u bëjmë thirrje që të kenë kujdes në përdorimin e shiringave. Përdorimi i shiringave nga njëri person te tjetri i riskon këta persona për të kaluar në hepatit C. Hepatiti C duhet theksuar që është një sëmundje shumë e rëndë, e cila mund t’u rrezikoje edhe jetën”, deklaroi Fustanja.

Hepatiti C është një nga sëmundjet që mund të rezultojë fatale për jetën e njeriut, ndërsa apeli u drejtohet përdoruesve të drogës që të kenë kujdes në përdorimin e shiringave për të shmangur edhe rrezikun e lartë që u kanoset./ CNA