LEXO PA REKLAMA!

SHKARKO APP

Çfarë duhet të dini për temperaturën e lartë/ Mjekimi dhe masat që duhen marrë

26 Nëntor 2023, 15:21, Shëndeti Ilir Allkja

Çfarë duhet të dini për temperaturën e lartë/

Ethet janë një rritje e temperaturës së trupit mbi normalen. Temperatura e trupit zakonisht është më e ulëta në mëngjes dhe rritet gjatë ditës. 

Temperatura e trupit të çdo personi mund të jetë e ndryshme. 

Është e vështirë të jepet një temperaturë e saktë për një ethe, por shumica e ofruesve të kujdesit shëndetësor pajtohen që quhet ethe një temperaturë prej 100.4? Fahrenheit (F) ose 38? Celsius (C) ose më e lartë.

Ethet mund të tregojnë se trupi po lufton një infeksion virusal ose bakterial. 

Mund të ndodhë edhe pas marrjes së një vaksine, nga mbinxehja ose nga një djegie shumë e keqe nga dielli. 

Shumë herë, ethet nuk kanë nevojë të trajtohen dhe do të largohen vetë.

Lloji i termometrit të përdorur mund të bëjë një ndryshim.

Për të matur temperaturën, përdorni një termometër digjital. Asnjëherë mos përdorni një termometër me mërkur.

Termometrat rektalë janë më të saktët.

Termometrat e ballit janë zgjidhje tjetër e mirë nëse përdoren në mënyrën e duhur.

Termometra oralë (gojorë) dhe vesh (timpanik) mund të përdoren. Për temperaturat orale, prisni 30 minuta pasi të keni pirë diçka të nxehtë ose të ftohtë. Për vesh, prisni 15 minuta pasi keni ardhur nga i ftohti.

 Së fundmi, matja e temperaturës në sqetull mund të përdoret si një kontroll i shpejtë, por nuk është shumë e saktë.

- Mjekimi në shtëpi

Temperatura mund të mos ketë nevojë të trajtohet nëse fëmija juaj nuk ndien shqetësime. Edhe temperaturat më të larta se 38?C zakonisht nuk janë të rrezikshme nëse nuk janë pasojë e një sëmundje afatgjatë.

- Vishni fëmijën tuaj me veshje të lehta. Mbi veshja e tyre mund të bllokojë nxehtësinë e trupit dhe të bëjë që temperatura të rritet.

- Jepni lëngje shtesë.

 Foshnjat nën moshën 1 vjeç: Vazhdoni të jepni qumësht gjiri apo formulë.

Fëmijëve mbi moshën 1 vjeç: Jepuni lëngje shtesë për të pirë, si ujë, lëng 100% të holluar ose tresol (ORS).

- Fëmija juaj mund të mos dëshirojë të hajë shumë.  Ofroni ushqime të buta shpesh dhe në sasi të vogla, por mos i detyroni të hanë.

- Bërja e një banje me ujë të ngrohtë  (38?C) me govatë  ose me vaskë ndihmon  shumë. Bëjini banjë me govatë ose lëreni fëmijën tuaj të zhytur  deri ne gjoks në një vaskë.  Uji duhet të jetë rreth 38?C,  jo shumë i nxehtë apo i ftohtë.

Mos shtoni alkool në ujë. Mund të jetë e rrezikshme.

Rishikoni temperaturën e fëmijës suaj 15 minuta pas banjës. Nëse temperatura është 39,4?C ose po rritet, përsërisni larjen në govatë apo vaskë.

Ilaçet pa recetë mund të ndihmojnë në uljen e temperaturës. Lexoni etiketën në shishe për të ditur dozën e duhur për fëmijën tuaj.

- Paracetamoli mund të përdoret tek të gjithë fëmijët mbi 2 muajsh.

- Ibuprofeni mund të përdoret tek fëmijët mbi 6 muaj.

- Mos u jepni aspirinë fëmijëve. Aspirina është lidhur me një sëmundje të quajtur sindroma Reye, e cila mund të jetë fatale!

Kur të telefononi mjekun apo urgjencën?

Telefononi menjëherë mjekun e fëmijës tuaj nëse fëmija juaj:

- Është më i vogël se 3 muajsh dhe ka një temperaturë 38?C ose më të lartë.

Është më i madh se 3 muaj dhe ka temperaturë: 40?C ose më lart.

- Në qoftë se  temperatura është mbi 38,9?C për më shumë se 2 ditë.

- Në qoftë se janë përdorur metodat e shtëpisë por nuk kanë funksionuar.

- Kur fëmija është mbi 1 vjeç dhe duket shumë i sëmurë, është shumë i shqetësuar ose shumë i përgjumur.

- Nuk ha apo pi dhe tregon shenja dehidrimi: gojë të thatë, sy të zhytur, urinë të errët, pelena të thata ose mungesë urinimi.

- Ka qafë të ngurtësuar, dhimbje koke të rëndë, dhimbje të fytit, dhimbje stomaku të dhimbshme, të vjella ose diarre.

- Ka një skuqje të pazakontë

- Ka qenë në një vend shumë të nxehtë, siç është një makinë e mbinxehur.

Ka probleme me sistemin imunitar që i bëjnë ata më të prirur të sëmuren, të tilla si sëmundje  të gjakut,  kancer, etj  ose në qoftë se është duke marrë një ilaç që dobëson sistemin imunitar.

Telefononi 127 ose shkoni në urgjencën e pediatrisë nëse fëmija juaj ka probleme me frymëmarrjen, ka konvulsione ose është i përgjumur.

Lajmet e fundit nga