web counter
LEXO PA REKLAMA!

SHKARKO APP

App Store
Google Play

Fruthi, një kërcënim për shëndetin/ Humbjet e jetëve u rritën me 40% vitin e kaluar

17 Nëntor 2023, 11:14, Shëndeti CNA
Fruthi, një kërcënim për shëndetin/ Humbjet e
Foto ilustruese

Fruthi është ndër sëmundjet më infektive të njohura dhe përhapet në ajër kur një person i infektuar kollitet ose teshtin.

Vdekjet nga fruthi u rritën globalisht me më shumë se 40 për qind vitin e kaluar. Kjo për shkak se nivelet e vaksinimit ranë në mënyrë dramatike gjatë pandemisë, thanë të enjten agjencitë kryesore shëndetësore.

Sëmundja shumë infektive shkaktoi epidemi në 37 vende vitin e kaluar, kundrejt 22 vendeve në 2021.

Nga fruthi u prekën 9 milionë fëmijë, nga të cilët 136 mijë kryesisht në vendet më të varfra, njoftoi Organizata Botërore e Shëndetësisë (OBSH) dhe Qendrat e SHBA për Kontrollin dhe Parandalimin e Sëmundjeve (CDC) në një raport të ri.

Dy doza të vaksinës së fruthit janë shumë mbrojtëse ndaj sëmundjes. Fëmijët në vendet në zhvillim në Afrikë, Azinë Juglindore, Amerikën Latine dhe Indi janë në rrezik më të lartë.

OBSH thekson se shkalla e imunizimit në vendet më të varfra është rreth 66 për qind. 

Fruthi është ndër sëmundjet më infektive të njohura dhe përhapet në ajër kur një person i infektuar kollitet ose teshtin. Është më e zakonshme te fëmijët nën 5 vjeç.

Simptomat përfshijnë ethe, kollë, rrjedhje hundësh dhe një skuqje të veçantë./CNA

 





Lajmet e fundit nga