Zgjedhjet e 11 majit/ Paloka: Kush kryen vepra penale gjatë procesit do të dënohet me burg

17 Mars 2025, 13:25, Politikë CNA

Zgjedhjet e 11 majit/ Paloka: Kush kryen vepra penale gjatë procesit do

Deputeti i Partisë Demokratike, Edi Paloka, gjatë fjalës së tij në Kuvend, është shprehur se të gjitha veprat penale që do të kryhen gjatë zgjedhjeve të 11 majit do të ndëshkohen.

Sipas Palokës, të gjithë ata persona që do të pengojnë procesin zgjedhor me anë të kanosjes do të dënohen me burg nga 1 deri në 5 vjet burg.

Gjithashtu me 1 deri në 5 vite burg do të dënohen ata që falsifikojnë materialet zgjedhore.

Ata që cenojnë integritetin e rezultatit të zgjedhjeve apo kanë sjellë pavlefshmërinë e tyre, dënohen me burgim, nga 3 deri në 7 vjet.

Paloka nënvizon se dëmtimi, prishja me dashje apo zëvendësimi në kundërshtim me ligjin i pajisjeve, vulave apo kodeve të sigurisë, apo çdo materiali tjetër zgjedhor, parashikuar nga ligji, dënohet me burgim nga 6 muaj deri në 5 vjet.

Po këto vepra, kur kryhen nga personat përgjegjës për administrimin e materialit zgjedhor ose në bashkëpunim, ose më shumë se një herë apo kur kanë sjellë pasoja të rënda në mbarëvajtjen e zgjedhjeve, kanë sjellë pavlefshmërinë e tyre apo kanë cenuar rezultatin e votimit, sipas Palokës, dënohen me burgim nga 3 deri në 8 vjet.

“Pengimi me anë të kanosjes, dhunës apo me çdo gjë tjetër i subjekteve zgjedhore apo i kandidatëve për të zhvilluar veprimtarinë e tyre në përputhje me ligjin, gjatë fushatës zgjedhore, dënohet me burgim nga 1 deri në 5 vjet. Falsifikimi i materialit zgjedhor apo rezultatit të zgjedhjeve, falsifikimi, shpërndarja ose përdorimi i fletëve të votimit, dokumenteve dhe materialit zgjedhor me qëllim ndryshimin e rezultatit të zgjedhjeve nëpërmjet paraqitjes në to të të dhënave të pasakta, zëvendësimi i të saktave me të rremet ose nëpërmjet futjes në kuti të fletëve të votimit në kuti në mënyrë të paligjshme, dënohet me burgim nga 1 deri në 5 vjet.

Po kjo vepër, kur kryhet nga personat që kanë për detyrë të administrojnë procesin zgjedhor ose ka sjellë pasoja të rënda në mbarëvajtjen e votimit, ka cenuar integritetin e rezultatit të zgjedhjeve apo ka sjellë pavlefshmërinë e tyre, dënohet me burgim nga 3 deri në 7 vjet.

Dëmtimi me dashje i materialit zgjedhor. Dëmtimi, prishja me dashje apo zëvendësimi në kundërshtim me ligjin i pajisjeve, vulave apo kodeve të sigurisë, apo çdo materiali tjetër zgjedhor, parashikuar nga ligji, dënohet me burgim, nga 6 muaj deri në 5 vjet. Po këto vepra, kur kryhen nga personat përgjegjës për administrimin e materialit zgjedhor ose në bashkëpunim, ose me shumë se një herë apo kur kanë sjellë pasoja të rënda në mbarëvajtjen e zgjedhjeve, kanë sjellë pavlefshmërinë e tyre apo kanë cenuar rezultatin e votimit, dënohen me burgim nga 3 deri në 8 vjet", tha Paloka./ CNA