web counter
LEXO PA REKLAMA!

SHKARKO APP

App Store
Google Play

“Një zonë e lënë në harresë prej 12 vitesh, e përballur me indiferencën e pushtetit”/ Këlliçi takime me banorët në Laprakë

16 Mars 2025, 18:50, Politikë CNA

“Një zonë e lënë në harresë prej 12 vitesh,

Drejtuesi politik i Partisë Demokratike për qarkun e Tiranës, Belind Këlliçi ka ndarë në rrjetet sociale momente nga takimi me banorët e Laprakës.

Këlliçi shkruan se kjo zonë prej 12 vitesh është lënë në harresë nga pushteti dhe u mungojnë shërbimet bazike. Ai thotë se me Partinë Demokoratike nuk ka qytetarë të dorës së dytë.

 

"Filluam me vullnet dhe fokus të veçantë takimet nga Lapraka, Njësia nr.11, Grupseksioni nr. 3 në Kodër Kamëz.

Banorët na konfirmuan një realitet të hidhur të periferisë, kaq afër qendrës. Një zonë e lënë në harresë prej 12 vitesh, e përballur me indiferencën e pushtetit dhe mungesën e shërbimeve bazike. E shtyrë totalisht drejt mungesës së shanseve dhe emigrimit.

PD ka angazhimin e palëkundur për të mos lënë asnjë qytetar të ndihet i diskriminuar në politika dhe vëmendje shtetërore. Historia qeverisëse e kësaj partie vërteton se me PD nuk ka qytetarë të dorës së dytë dhe se zhvillimi duhet të arrijë tek të gjithë, jo vetëm në fasadën e një pseudoelite të pasuruar në paligjshmëri.

Për këtë arsye në fokus të zotimeve tona dhe të programit qeverisës ne kemi vendosur përmbylljen e dramës së pafundme të legalizimeve. Ndihmën me anë të paketës së emergjencës për të gjithë qytetarët e prekur nga keqqeverisja, me anë të Amnistisë për gjobat e padrejta të familjeve në nevojë, nënave kryefamiljare dhe qytetarëve me ndihmë ekonomike apo në papunësi.

Ne duam të rindërtojmë shpresën duke ndihmuar familjet e reja me ndërtesa sociale, ekonominë me platformën Shqipëria Prodhon dhe të rinjtë me shanse të reja punësimi. Një Shqipëri më e mirë për të gjithë është e mundur", shkruan Këlliçi./ CNA





Lajmet e fundit nga