web counter
LEXO PA REKLAMA!

SHKARKO APP

App Store
Google Play

E fundit!

x

“Jam i angazhuar të sjell një zë të paanshëm që e njeh realitetin e sotëm”/ Sipërmarrësi që kandidon për deputet më 11 maj

15 Mars 2025, 18:56, Politikë CNA

“Jam i angazhuar të sjell një zë të paanshëm

Kandidati për deputet në zgjedhjet e 11 majit nën logon e Partisë Mundësia, sipërmarrësi Genci Shehaj me anë të një postimi në rrjetet sociale ka renditur tri arsye se përse elektorati duhet ta votojë.

Shehaj i cili kandidon në qarkun e Korçës, shkruan se partia që ai përfaqëson sjell një vizion ndryshe për të ardhmen e vendit si dhe përfaqësim i vërtetë i biznesit privat.

“Tre arsye pse duhet të më mbështesni në zgjedhjet e 11 majit: Parti e re, energji e re - Partia "Mundësia" sjell një vizion të freskët dhe të ndryshuar për të ardhmen e Korçës dhe Shqipërisë. Ne besojmë në mundësitë që krijohen nga rinia dhe ideja e re.

Përfaqësim i vërtetë i biznesit privat - Si një sipërmarrës i ri dhe me përvojë në sektorin privat, kam njohuri të thella për nevojat e ekonomisë dhe mundësitë që mund të krijojmë për të rinjtë dhe sipërmarrësit në Korçë. Vizioni i të rinjve për të rinjtë - Si një kandidat 33 vjeçar, jam i angazhuar të sjell një zë të ri, të freskët dhe të paanshëm që e njeh realitetin e sotëm dhe ka vullnetin dhe aftësinë të ndryshojë gjërat për të mirë. Për më shumë mundësi dhe zhvillim, bashkohu me ne dhe bëj hapin e duhur për një të ardhme më të mirë për Korçën dhe Shqipërinë", shkruan Shehaj./ CNA





Lajmet e fundit nga