Faktet dhe provat e reja nga SPAK-u/ Veliajt desh i ra të fikët në gjykatë, nuk bëri as gëk as mëk

17 Mars 2025, 10:44, Politikë CNA

Faktet dhe provat e reja nga SPAK-u/ Veliajt desh i ra të fikët

Kreu i PD-së, Sali Berisha, pas daljes së tij nga SPAK-u deklaroi se ministri Ulsi Manja dhe Rama, të cilin ai thotë se është redaktori që del në përgjime, i bënë kurth Veliajt duke i vendosur çimka në qelinë e burgut në Durrës.

“Po a mund t’ju pyes ju se si ia keni fshehur popullit redaktorin? Ju i keni thënë të gjitha, por kur fshihni redaktorin që dihet se është Edi Rama... Megjithatë edhe Uluziu ka luajtur rolin e tij.

Njeri më të pabesë, më të zi në shpirt, më të pa karakter se atë nuk ka. I ka shkuar natën si mik, duke i lëpirë dhe stërlëpirë Erion Veliajt dhe ka urdhëruar vendosjen e çimkave në të gjitha mjediset.

Uluziu pra është pjesë e këtij kurthi”, tha Berisha.

Më tej zbuloi edhe një tjetër detaj që sipas tij gazetarët nuk e kanë raportuar është se kur prokurorët treguan se kanë një dosje tjetër me fakte dhe prova kundër Veliajt, kryebashkiakut gati sa nuk i ka rënë të fikët në gjykatë dhe nuk ka nxjerrë asnjë fjalë.

Sipas Berishës, Veliajt deshi i ra tavani mbi kokë sepse nuk e priste të ishte i regjistruar pasi Manja i kishte dhënë çdo garanci se ai është njeriu i partisë siç ka qenë.

“Në fakt, ta dini mirë, po edhe këtë nuk e thanë gazetarët, kur u ul Erioni në bankën e gjykatës dhe prokurori tha se kemi një dosje shtesë, atij pothuajse i ra të fikët, as gëk, as mëk nuk bëri.

Unë ua them këtu me përgjegjësi, atij desh i ra tavani se nuk e priste të ishte i regjistruar pasi Uluziu i kishte dhënë çdo garanci se ai është njeriu i partisë siç ka qenë. Në asnjë rast pabesia nuk shpërblehet. Në qoftë se donin të vinin çimka, të mos i aktivizonin ministra dhe zyrtarë më të lartë, por të shkonin në gjykatë, të merrnin leje në gjykatë siç është rregulli. Se ata edhe në qeli, në birucë kanë disa garanci. Të mos bëj unë avokatin. T’ia lëmë Maks Haxhisë t’ia çojë ato cigare, të mos zë vendin e tij”, tha Berisha./ CNA