web counter
LEXO PA REKLAMA!

SHKARKO APP

App Store
Google Play

E fundit!

x

Zbulohet aksioni i opozitës/ Kush do jetë hapi i rradhës

6 Qershor 2022, 16:40, Politikë CNA
Zbulohet aksioni i opozitës/ Kush do jetë hapi i rradhës
Deputetët e PD

Zgjedhja e Bajram Begajt në krye të presidencës si propozim i socialistëve ka sjellë kundërshti nga kampi opozitar.

Opozita e bojkotoi në masë seancën e të shtunës, ndërsa kanë dhënë edhe argumentta e tyre, pse kandidatura e Begajt nuk ishte e duhura.

Deputeti i PD Edmond Spaho, në një reagim për CNA.al u shpreh kryeministri Edi Rama kapi edhe instiucionin e fundit që i kishte mbetur, ndërsa shton se mënyra se si u emërua ishte në shkelje të Kushtetutës.

“Rama kapi edhe llogoren e fundit të pushtetit që i kishte ngelur pa kapur. Mënyra si e emëroi presidentin tregon qartë që vendi po shkon në putinizëm duke mos respektuar asnjë përcaktim kushtetues. Fryma e Kushtetutës nënkupton që ushtarakët mund të zgjidhen në poste të tilla pasi kanë dalë në lirim, pasi kanë mbyllur karrierën ushtarake. Në demokraci ushtria duhet të rrijë larg politikës për të evituar eksperiencat e hidhura të së shkuarës.

Por Sulltani i Surrelit nuk pyet për Kushtetutë dhe e emëron Presidentin sipas orekseve personale për ta pasur nën hyqëm dhe të bindur”, tha Spaho.  

Deputeti i PD zbuloi më tej për CNA.al edhe aksionin e opozitës.

Spaho deklaroi se opozita betejën e ka me kryeministrin Rama dhe do të nisin një sërë protestash, pasi sipas tij gjendja ekonomike dhe shoqërore po shkon drejt katastrofës.

“Opozita betejën e saj e ka me Sulltanin e Surelit dhe shpejt do të nisë stinën e protestave pasi gjendja ekonomike dhe shoqërore po shkon drejt katastrofës. Mjaft të shohësh spiralen e çmimeve të mallrave ushqimore dhe karburanteve për të kuptuar që qeveria nuk do t’ja dije për qytetarët e saj.

Edhe kur çmimet në tregjet ndërkombëtare ulen, Bordet e Surrelit i rrisin çmimet për të fituar oligarkët. Njerëzit nuk duhet të qëndrojnë indiferente ndaj kapjes së pushteteve dhe krizës së thellë ekonomike. Vetëm reagimi qytetar mund t’i tregojë vendin klikës së Surrelit”, shprehet Spaho./E.K-CNA.al





Lajmet e fundit nga