web counter
LEXO PA REKLAMA!

SHKARKO APP

App Store
Google Play

E fundit!

x

Vuçiç takohet me Ramën për situatën në veri: Do të mbizotërojë arsyeja

1 Qershor 2023, 11:14, Politikë CNA

Vuçiç takohet me Ramën për situatën në veri:

Të enjten presidenti serb, Aleksandër Vuçiç, u takua me kryeministrin Edi Rama gjatë samitit të Komunitetit Politik Europian që po zhvillohet në Kishinau të Moldavisë.

Ka qenë presidenti Vuçiç ai i cili ka publikuar një foto në "Instagram" gjatë diskutimit me Ramën, ku të pranishëm janë presidentja e Greqisë, Katerina Sakellaropoulou, kryeministri i Maqedonisë së Veriut, Dimitar Kovaçevski dhe anëtarja serbe e kryesisë së Bosnje Hercegovinës, ?eljka Cvijanovi?.

Në fokus të diskutimeve të tyre ka qenë situata në veri të Kosovës, ku Vuçiç ka thënë se do të mbizotërojë arsyeja.

“Ne në rajon e dimë më së miri se sa e rëndësishme është që bashkërisht të bëjmë çdo përpjekje për të ruajtur paqen dhe stabilitetin e fituar me vështirësi. Diskutuam ngjarjet aktuale dhe hapat e mëtejshëm që do të kontribuonin në gjetjen e një zgjidhjeje për situatën aktuale të vështirë dhe serioze, me shpresën se arsyeja do të mbizotërojë, në të mirë të të gjithëve”, shkruan Vuçiç.

Situata në veri të Kosovës është ende e tensionuar, ku priten sërish protesta nga serbët në 4 komunat. 

Shefi për Politikë të Jashtme i BE-së, Josep Borrell, ka theksuar se është në pritje të një takimi me presidentin serb, Aleksandër Vuçiç, ndërkohë me palën kosovare u takua një ditë më parë. Sipas Borrellit, dhuna nuk është rruga e duhur.

 

 

 





Lajmet e fundit nga