Video-Kur gazetari ngatërron kekun me byrekun

18 Korrik 2022, 12:17, Politikë CNA

Në mars të vitit 2022, pra vetëm pak muaj më parë, Gjykata e Tiranës regjistroi Kuvendin e 11 dhjetorit 2021 si dhe statutin e ri të Partisë Demokratike, që doli nga ai Kuvend.

Kujtojmë këtu se Kuvendi i 11 dhjetorit vendosi shkarkimin e kryetarit të PD-së, Lulzim Basha, si dhe kryesisë së partisë.

Ndërsa më tej, në 30 prill u mbajt një tjetër Kuvend Kombëtar i PD-së, ku u zgjodh Këshilli Kombëtar.

Dhe tashmë PD-ja ka zgjedhur edhe drejtuesit dhe strukturat e saj. Si dhe kryetar është zgjedhur ish-kryeministri Sali Berisha.

Video-Kur gazetari ngatërron kekun me byrekun

Por, duket se ka disa gazetarë që kanë qënë “në koma” ose në “gjumë dimëror” dhe u ka ngelur ora ende në dhjetor. Nuk kanë parë zhvillimet politike në vend, e për pasojë duket se ngatërrojnë kekun me byrekun.

I tillë është edhe rasti i gazetarit Renaldo Salianji, i cili gjatë një interviste me një ndër “kurtizanët” e Lulzim Bashës, duket se nuk e kishte aspak idenë e zhvillimeve politike në PD.

Dukej se sapo ishte zgjuar nga gjumi dimëror, dhe nuk e dinte se PD ka mbajtur një Kuvend Kombëtar dhe ka tashmë strukturat e saj.

Duke folur për rezolutat e paraqitura në Kuvend, ku kërkohet dënimi i gjenocidit serb, gazetari Salianji tha se: “Një rezolutë e tretë është depozituar nga mbështetësit e zotit Berisha nga grupi i Rithemelimit, pak a shumë me të njëjtën përmbajtje si rezoluta e grupit parlamentar të Partisë Demokratike për gjenocidin.

Por, pse tri rezoluta?

Çfarë synohet të arrihet me këto rezoluta dhe pse pikërisht në këtë moment, do t’i diskutojmë sot me deputetin e PD-së, zotin Kreshnik Çollaku dhe Sekretar për Diasporën për atë pjesë të Partisë Demokratike që njeh gjykata.”

Në fakt Gjykata ka njohur statutin e PD-së të dalë nga Kuvendi i 11 dhjetorit, dhe çështja është në Apel, sepse e ka apeluar Enkelejd Alibeaj, i cili vijon misionin e Lulzim Bashës, për përçarjen e PD-së.

Pra, nëse flasim për vendim gjykate, ka një që njeh Kuvendin e dhjetorit, dhe një tjetër që ka pranuar apelimin e Alibeajt.

Nuk ka asnjë vendim gjykate që njeh Alibeaj & Co, si drejtues të PD-së.

Nga ana tjetër, gazetari thotë se “Kreshnik Çollaku është Sekretar për Diasporën”.

Në fakt Sekretar për Emigracionin, Diasporën dhe Organizimin e PD-së jashtë vendit është zgjedhur Indrit Hoxha.

Por, Renaldo Salianji sërish duket se ngatërron kekun me byrekun. Edhe pse Çollaku nuk është as kek dhe as byrek, por thjeshtë dhe vetëm çorba që ka gatuar Lulzim Basha./CNA.al