web counter
LEXO PA REKLAMA!

SHKARKO APP

App Store
Google Play

E fundit!

x

Thirrjet e Metës për rrëzimin e qeverisë/ Çfarë e tmerron Presidentin në ikje?

4 Korrik 2022, 17:39, Politikë CNA
Thirrjet e Metës për rrëzimin e qeverisë/ Çfarë
Presidenti Ilir Meta

Avokati Spartak Ngjela ka komentuar për CNA.al qëndrimet e Ilir Metës, i cili ka paralajmëruar se do të zbresë në frontin opozitar, sapo të dorëzojë mandatin e Presidentit.

Thirrjet e Metës për rrëzimin e qeverisë, Ngjela i lexon si dëshpërim dhe frikë nga Reforma në Drejtësi, nga SPAK dhe nga politika amerikane.

Ai tha për CNA.al se Ilir Meta është i dëshpëruar, pasi sipas tij, po kërkon të destabilizojë Shqipërinë dhe nuk po e arrin dot.

“I gjithë korrupsioni është i trembur nga Reforma në Drejtësi, nga SPAK dhe nga politika amerikane. Kjo është e kuptueshme dhe këtë e kanë kuptuar edhe pulat. Këta kërkojnë të bëjnë destabilizmin, por nuk e realizojnë dot. Ka vite që e kërkojnë këtë, kanë që në vitin 2017. Nuk e arrijnë dot. Ishte një moment i caktuar që Saliu dhe Meta sollën këtu 270 oficerë rusë e nuk bën dot asgjë. Ikën me bisht ndër shalë. Çfarë kërkojnë tani?

Ka një shpresë te Beogradi dhe Moska po nuk bëjnë dot gjë. Do dalin atje. E para kur të dalin në protestë do të shohim se sa do të jetë numri, nuk  ma ha mendja të kenë ndonjë numër të madh. Po edhe sikur të ketë një numër të konsiderueshëm, nuk ka vlerë, se si do rrëzohet qeveria. Qeveria rrëzohet me vota. Në Moskë jemi këtu. Ku kanë vota këta. Deri para 1 muaj ishin 30%, pavarësisht nga ndarja e PD-së, tani janë 22%.

Çështë ky revolucion që kërkojnë këta? Ku i lë NATO të bëjnë revolucion. Nuk të lë as policia shqiptare se është forcuar shumë. Ilir Meta dhe Sali Berisha janë të dëshpëruar. Njeriu i dëshpëruar nuk ka logjikë. Por këta përveç dëshpërimit, kanë edhe frikë, sepse do shpronësohen, do u marrin paratë. Ndoshta shkojnë edhe drejt penalizimit nga SPAK. Të gjitha këto i kanë si peshë në psikikën e tyre, e cila iu acaron psikologjinë. Psikologjia aktuale e tyre është e çoroditur, sepse janë të trembur, duan të destabilizojnë Shqipërinë, nuk ja arrijnë dot”, theksoi avokati.

Ndërkohë, kujtojmë se më 24 korrik Meta do të dorëzojë detyrën e Presidentit të Republikës. Në këtë datë, Konferenca e Kryetarëve ka caktuar edhe një seancë plenare për betimin e Bajram Begajt, si pasues i Metës.

Ndërkohë, Kreu aktual i Shtetit ka deklaruar jo pak herë se më 25 korrik do të bashkohet me opozitën, me synimin e rrëzimit të qeverisë./ B.A. - CNA.al

 





Lajmet e fundit nga