web counter
LEXO PA REKLAMA!

SHKARKO APP

App Store
Google Play

"Banda" e LSI-së, në pranga/ Monika Kryemadhi, si “hajdute”

4 Korrik 2022, 10:49, Politikë CNA

"Banda" e LSI-së, në pranga/ Monika Kryemadhi, si

Lëvizja Socialiste për Integrim “falimentoi” me sukses në zgjedhjet e fundit parlamentare.

Në 25 prill 2021, shqiptarët i dhanë përgjigjen e merituar kësaj force politike, e cila është akuzuar për jo pak bëma dhe gjëma në rrugëtimin e saj.

LSI-ja është një forcë politike në Shqipëri shumë e akuzuar për korrupsion.

"Banda" e LSI-së, në pranga/ Monika Kryemadhi, si

Zyrtarë të LSI-së janë akuzuar për korrupsion në tendera, për pazare me votat për kthim të institucioneve shtetërore në private, në kohën që kanë udhëhequr si me PD-në ashtu edhe me PS-në.

Herë me njërën palë dhe herë me tjetrën, ata e kanë gjetur mundësinë për të zhvatur, nëpërmjet karriges së pushtetit.

Dhe përballja me drejtësinë, po thërret zyrtarët e LSI-së.

Zyrtarë të LSI-së, ish-drejtorë apo edhe ish-ministra, tashmë janë në pranga dhe po përballen me drejtësinë, për bëmat dhe gjëmat e tyre.

Por, nga ana tjetër ndërkohë që ish-bashkëpunëtorët po i prangosen një e nga një, kryetarja e LSI-së, Monika Kryemadhi, del nëpër media, duke tentuar të luajë rolin e shenjtores.

CNA.al për disa vite ka publikuar një dosje të plotë për koncesionin e inceneratorëve, për të cilën kanë heshtur mediat kryesore në vend, por edhe politika.

Por, tashmë duket se Monika Kryemadhi dhe LSI-ja, kërkojnë “vjedhjen” e kësaj kauze.

Sot, Monika Kryemadhi ka dalë në një konferencë për mediat, ku ka vijuar të hedhë akuza të forta në lidhje me koncesionin e inceneratorëve. Për më tepër Kryemadhi akuzoi edhe ish-aleatin e saj, Lulzim Basha, se është “blerë” nga inceneratorët.

Sipas Kryemadhit, njerëz pranë Lulzim Bashës kanë marrë para nga kompanitë e inceneratorëve. Por, kryetarja e LSI-së nuk pranoi t’i përgjigjej pyetjes së gazetarëve, të cilët i kërkuan emrat e personave që ajo pretendon se kanë marrë para.

Kryemadhi thjesht dhe vetëm kërkon vjedhjen e një kauze, e denoncuar nga CNA.al me fakte dhe dokumente zyrtare.

Kur në fakt është Monika Kryemadhi dhe partia e saj, që sollën Rilindjen në pushtet në 2013-ën, pas një marrëveshjeje Rama-Meta, gjatë një darke me ngjala në Gjirin e Lalzit.

Po ashtu Kryemadhi me sa duket ka harruar se koncesioni i inceneratorëve, për të cilët del sot e flet duke tentuar të shitet si “shenjtore”, është firmosur gjatë bashkëqeverisjes PS-LSI.

Pra, partia e Kryemadhit bashkëqeveriste me Ramën në kohën që është firmosur një ndër koncesionet më të akuzuara, për të cilin ka përfunduar në pranga edhe një ish-ministër i LSI-së.

Por, Kryemadhi është kujtuar tani të reagojë, ndërsa për vite me radhë ka heshtur.

Ndërsa faktet nuk mungojnë, sot “banda” e LSI-së del dhe bën thirrje “kapeni hajdutin”./CNA.al

 





Lajmet e fundit nga