web counter
LEXO PA REKLAMA!

SHKARKO APP

App Store
Google Play

E fundit!

x

Tabaku dhe Alimehmeti, si mbetje të opozitës

2 Tetor 2025, 13:14, Politikë CNA

Tabaku dhe Alimehmeti, si mbetje të opozitës

Menjëherë pas shkarkimit të Erion Veliajt në Asamblenë e PS-së dhe nisjes së procedurave nga Këshilli Bashkiak i Tiranës, pra syrgjynosjen e tij politike nga socialistët, opozita filloi të kishte një lloj “stresi” në lidhje me emrin që do të përballej me Ogerta Manastirliun.

Kjo e fundit një emër me peshë të rëndë në politikë, ministre e Shëndetësisë, ministre e Arsimit, drejtuese politike e Bashkisë së Tiranës prej disa vitesh, me një pushtet jo të paktë, është një rivale për t’u vlerësuar shumë.

Opozita pa dyshim se do të kishte stres se kë do t’i vendoste përballë, sepse vetë Sali Berisha dhe njerëzit kryesorë të drejtimit të saj e dinin që emrat më të rëndësishëm që kishin marrë më shumë vota në Tiranë si Jorida Tabaku dhe Ilir Alimehmeti nuk do të përballeshin me Manastirliun.

Jo se ishte thjesht një garë e humbur, por as njëri dhe as tjetri nuk kanë kapacitetet dhe vlerat politike të duhura që të marrin përsipër një garë dhe kur ajo humbet.

Ka pasur të tilla që në vitin 2000 me Besnik Mustafain dhe më pas në 2003 me Spartak Ngjelën që bëri një fushatë spektakolare, në 2007 me Sokol Olldashin, apo në 2015 kur kandidoi një emër tjetër, një qytetar me vlera si Halim Kosova.

As Jorida Tabaku, as Ilir Alimehmeti nuk u ngritën në nivelin e këtyre emrave. Jo për të thënë të shkojnë në vlerat dhe betejën që bëri Belind Këlliçi, në 2023 kur PD nuk kishte as parti, as vulë se ishte Luli përballë dhe vendoste kandidatët e tij.

Nuk kanë Jorida Tabaku dhe Ilir Alimehmeti vlerat qytetare për të marrë përsipër një garë, për të lënë një mandat, sepse janë thjesht dhe vetëm personazhe të vogla politike.

Ilir Alimehmeti doli një burracak që luftoi për të kandiduar në 2023-shin, por nuk pranon të kandidojë në 2025 kur del një nga njerëzit më të votuar në kryeqytet.

Jorida Tabaku që e ka kërkuar gjithmonë garën për Bashkinë e Tiranës nuk shkon të garojë përballë shoqes së saj të dikurshme të bankës, sepse Jorida e vlerëson veten si shumë të votuar që të jetë e ardhmja në politikë, por në fakt është e lidhur pas karriges së deputetit nuk e sakrifikon atë dhe rrogën që merr në Parlament.

Një mandat është gati 200 mijë euro të ardhura në xhep. Ilir Alimehmeti mund të ishte edhe më dinjitoz po të hynte, por duket burracak, kurse Jorida shumë e vogël.

Nuk kanë kurajën, nuk kanë dinjitetin dhe vlerat politike për t’u përballur. E duan PD-në për ta vjelë, për ta rrjepur, sepse kujtojnë se kanë shumë vota, janë me vlera të mëdha, por nuk shkojnë atje të përballen me kundërshtarin politik.

Ato vota që kanë marrë në listën e Tiranës nuk i kanë marrë se janë më të votuarit dhe kanë ndonjë vlerë të madhe, por sepse ishte një gabim taktik i Berishës që peshat e rënda që mblidhnin vota i futi në listë të mbyllur dhe në listë të hapur përveç Myslim Murrizit dhe ndonjë emri tjetër nuk kishte emra të tjerë që të mblidhnin votat e lëna rrugëve në listën e hapur të kryeqytetit.

Se po të ishin në atë garë Jozefina, Këlliçi, vetë Sali Berisha dhe lista e mbyllur, Jorida Tabaku nuk do të ishte deputete në Parlament. Ilir Alimehmeti do të kishte më pas një grusht votash se si individë të dy bashkë vlejnë një hiç politikisht.

Tani do të kishin shansin ta tregonin se sa vota merrnin në kryeqytet dhe kjo do t’u bënte mirë për karrierën e tyre politike.

Por treguan se janë një zero me bisht./ CNA

 





Lajmet e fundit nga