web counter
LEXO PA REKLAMA!

SHKARKO APP

App Store
Google Play

“Ndryshimi fillon nga kryeqyteti”/ Alimehmeti: PD i ka të gjitha mundësitë për Bashkinë Tiranë

1 Tetor 2025, 21:36, Politikë CNA

“Ndryshimi fillon nga kryeqyteti”/ Alimehmeti: PD i ka të

Demokrati Ilir Alimehmeti shprehu sot bindjen se Partia Demokratike i ka të gjitha mundësitë për një rezultat drejt fitores në garën për Bashkinë e Tiranës.

Në një emision televiziv, Alimehmeti tha se për opozitën është e rëndësishmë që ndryshimi i sistemit të fillojë nga kryqyteti, për të vijuar edhe në zonat e tjera të vendit.

Alimehmeti ndau edhe qëndrimin e tij për pozitën e socialistëve në këtë garë, që akuzoi se vjedhin zgjedhjet.

“Mendoj se PD i ka të gjitha mundësitë për Bashkinë Tiranë. Nuk ka asnjë lloj diskutimi që i trembet. Edhe nëse i shihni zgjedhjet e 11 majit, rezultati i PS më i dobëti ishte në Tiranë. Kujtoj se këtu ishte drejtues fushate vetë Edi Rama. Qarku i Tiranës ka rezultatin më të dobët PS-ja. Këtu fillon ndryshimi. Në këtë situata ku flasim, nuk i trembemi. Edhe pse kemi qenë të sulmuar, ky është realiteti jonë. Fajtorët janë disa. Këta duan të vjedhin me ligje, me VKM-ra. Faji është ai që të merr lekët nga xhepët.

Di t’ju them që herën e kaluar kam qenë shumë i qartë si brenda forumeve, duke thënë se ky nuk është kod zgjedhor në favor të opozitës. Doli realiteti. Ndryshimi fillon nga kryeqyteti, mos prisni të fillojë nga rrethina. Ka hapësira sa të duash për të punuar. Metoda e Ramës ishte duke përçuar opozitën, duke i hequr vulën. Kjo plagë u shkaktua nga Edi Rama, nga njerëz që punonin për të, ndoshta edhe të infiltruar tek ne.

Rama nuk mund të fusi në burg për të drejtën e fjalës. Tani s’ka as ligj, është dënim pa ligj. Ky është realiteti. Nuk mund të themi që kjo pranohet në një shtet që e quan veten demokraci”,-tha Alimehmeti./CNA





Lajmet e fundit nga