web counter
LEXO PA REKLAMA!

SHKARKO APP

App Store
Google Play

“T’i lëmë pas hatërmbetjet”/ Alimehmeti: Kandidati i opozitës për Tiranën mund të jetë nga bota civile

1 Tetor 2025, 16:23, Politikë CNA

“T’i lëmë pas hatërmbetjet”/ Alimehmeti:

Anëtari i Këshillit Bashkiak të Tiranës, Ilir Alimehmeti tha sot se kandidati i opozitës për zgjedhjet në Bashkinë e Tiranës mund të jetë edhe një emër nga bota civile.

Në një intervistë televizive, Alimehmeti u shpreh se e rëndësishme për opozitën është që kandidati të jetë konsensual.

Alimehmeti shtoi se opozitarët duhet të shkojnë në zgjedhjet vendore edhe drejt një pajtimi kombëtar, për të lënë pas hatërmbetjet.

“Figurë jodetyrimisht politike. Mund të jetë nga bota civile. Mund të jetë njeri i përfshirë në politikë në të kaluarën dhe pastaj për një periudhë të gjatë ka kaluar sërish jashtë politikës. Pra, jemi të hapur. E rëndësishme është të jetë konsensual.Përkarshi keqes më të madhe që ne kemi përballë, këto gjëra duhen harruar.

Ne duhet të shkojmë drejt një pajtimi kombëtar në këtë drejtim. T’i lëmë gjërat e vogla, hatërmbetjet e vogla. Ato mund të jenë shumë të mëdha për aktorët përkatës, por përkarshi një të keqeje kaq të madhe ne duhet t’i lëmë pas dore këto gjëra dhe të shkojmë me një front të bashkuar. Këtu ndihmon absolutisht shumë emri i kandidatit, sepse janë zgjedhore vendore.

Nuk janë zgjedhje parlamentare. Kjo është demokraci e drejtpërdrejtë. Pra, zgjedh direkt individin dhe individi ka një vlerë kyçe këtu, një vlerë qendrore. Pra, kush është kandidati në secilën bashki që do të zgjidhet”,-tha Alimehmeti./CNA





Lajmet e fundit nga