web counter
LEXO PA REKLAMA!

SHKARKO APP

App Store
Google Play

Pritet arrestimi i tij/ Çfarë deklaron Berisha nga selia blu

26 Dhjetor 2023, 11:06, Politikë CNA
Pritet arrestimi i tij/ Çfarë deklaron Berisha nga selia blu
Sali Berisha

Ndërkohë që në GJKKO vijon seanca për ashpërsimin e masës së sigurisë ndaj ish-kryeministrit Sali Berisha, ky i fundit po zhvillon një konferencë me të rinjtë demokratë në selinë blu.

Ndër të tjera, kreu i PD-së thekson se procesi gjyqësor ndaj tij nuk mund të qëndrojë pasi në dokumentet e çështjes "Partizani" nuk ka asnjë fakt kundër tij. 

Berisha nënvizoi se Edi Rama ka në mënyrë absolute çdo pushtet.

"Sot Edi Rama ka në mënyrë absolute, në mënyrën më të verbër, çdo pushtet. Ju jeni dëshmitarë, ndoshta keni ndjekur procesin e tij ndaj meje. Një proces pa asnjë fakt, pa asnjë dokument, pa asnjë firmë të Sali Berishës në privatizimin e një kompleksi me qindra pronarë, njëri prej të cilëve ishte dhëndri im, Jamarbër Malltezi. Asnjë firmë. Një proces i filluar në vitin 1995, i përfunduar në vitin 2009 në përputhje me të gjitha ligjet e vendit. Në këtë proces ka diçka shumë të veçantë, ky që ka marrë tokën e tij dhe është një i 500 mijëti pronar që ka marrë trojet dhe ka marrë 400 metra nga 1 miliard e 577 milionë e 400 mijë metër katrorë tokë që qeveria, në përputhje me programin e saj, ua dorëzoi pronarëve legjitimë. Ky vihet në gjendje arresti. Vetë Edi Rama, me firmën e tij, me 4 vendime qeverie, merr nga toka e kësaj familje, të cilët fisnikërisht e kishin dhuruar për shkollë komuniteti, 1500 metër katrorë tokë. Po si i merr? Me 4 firma. Ky që mori 400 metra nuk ka asnjë firmë të Sali Berishës. Kurse ky tjetri, për të marrë 1500 metra, vendos 4 firma njëra pas tjetrës, dhe burgos këtë, njëlloj siç burgosën në vitin 1946, paraardhësit e tij", u shpreh Berisha.

Pritet që GJKKO të japë masën e sigurisë "arrest shtëpie" për kreun e PD-së për akuzën e korrupsionit pasiv për çështjen e privatizimit të ish-kompleksit "Partizani"./CNA 





Lajmet e fundit nga