web counter
LEXO PA REKLAMA!

SHKARKO APP

App Store
Google Play

E fundit!

x

“S’do të ketë më feude apo bajraqe”/ Paralajmërimi i radhës i Ballës për policët

22 Dhjetor 2023, 10:49, Politikë CNA
“S’do të ketë më feude apo bajraqe”/
Ministri i Brendshëm, Taulant Balla

Ministri i Brendshëm, Taulant Balla, ka reaguar për operacionin e zhvilluar këtë të premte nga SPAK-u ndaj një grupi kriminal në Durrës, ku janë vënë në pranga edhe ish-punonjës policie.

Me anë të një statusi në rrjetet sociale, Balla përgëzon policinë dhe SPAK-un.

Ai thotë se revanshi i sundimit të ligjit po godet fort sëmundjen e vjetër të lidhjeve të krimit me policinë dhe drejtësinë.

Ministri paralajmëron se nuk do të ketë asnjë tolerim për punonjës të policisë të përfshirë në veprimtari kriminale.

“Përgëzime Policisë së Shtetit dhe prokurorëve të SPAK për goditjen e një tjetër grupi kriminal në Durrës. Revanshi i sundimit të ligjit ndaj krimit të organizuar po godet fort sëmundjen e vjetër të lidhjeve të krimit me policinë dhe drejtësinë. Në asnjë cep të territorit të kësaj republike s’mund të ketë më feude apo bajraqe, ku mbi ligjin dhe mbi qytetarët të jenë të fortët, të cilët edhe kur policia i shoqëronte tek dera e komisariatit, ata dilnin po atë ditë nga dritarja me vendime të blera tek tezgat e drejtësisë së vjetër. Hetimet në bashkëpunim me SPAK, prokuroritë e juridiksionit të përgjithshëm, SHISH dhe agjenci të tjera ligjzbatuese të vendeve partnere për punonjës të nivelit të parë drejtues apo zbatues, të dyshuar për shpërdorim detyre, korrupsion, vepra penale në fushën e narkotikëve, veprime arbitrare, lidhje/komunikime me krimin si dhe çdo veprim tjetër të paligjshëm vijojnë dhe rezultatet e këtij procesi janë domethënëse”, thekson Balla.





Lajmet e fundit nga