web counter
LEXO PA REKLAMA!

SHKARKO APP

App Store
Google Play

E fundit!

x

Zbardhen diskutimet në mbledhjen e Këshillit Kombëtar/ “Po synojnë të likuidojnë liderin e opozitës”

23 Dhjetor 2023, 15:11, Politikë CNA
Zbardhen diskutimet në mbledhjen e Këshillit Kombëtar/ “Po
Foto ilustruese

Partia Demokratike sot ka mbledhur Këshillin Kombëtar, ku po diskutohet me dyer të mbyllura mbi situatën politike në vend dhe rolin e opozitës.

Gjatë mbledhjes ka patur diskutime me ish kryeministrit dhe deputetëve të pranishëm sot në mbledhje.

Deputeti Flamur Noka është shprehur se liderin e opozitës dhe opozitën po tentojnë ta likuidojnë dhe vetmja rrugë është përballja dhe mosbindja civile.

“Berisha paraqiti situatën e vendit. Kuvendi miratoi një rezolutë. Kryefjalë është aksioni opozitar ne terren dhe mosbindja civile. Deputetët e kanë nisur prej më shumë se 2 muajsh. Liderin e opozitës dhe opozitën synojnë ta likuidojnë. Rruga jonë e vetme është përballja dhe mosbindja civile”, ka thënë Noka.

Ish kryeministri, nga ana tjetër ka deklaruar Rama është diktator dhe beteja kundër diktaturës kërkon sakrifica.

“Ky regjim nuk u instalua për pak ditë por vit pas viti. Diktatura e re shkeli ligjet dhe procedurën dhe ushtroi vullnetin e një njeriu, njësoj si në kohën e Hoxhës.  Sot jemi para vendimit të rëndësishëm. A do vendosim të përballemi me këtë diktaturë? Nëse po ne duhet të shënojmë një kthesë. Deputetët e shënuan. Rama është diktator. Beteja kundër diktaturës kërkon sakrifica. Një vendim historik i secilit është vendimtar në qëndrimin tonë.

Shoqëritë në diktaturë janë të ndara, ka dhe nga ata që heshtin. Heshtja është gjëja më e çmuar në diktaturë. Të mos bëhemi pjesë e heshtjes. Të guxojmë duke vrarë frikën. Të bëjmë projekte si ta dëmtojmë diktaturën. Rama është armiku më i egër i yni. Jemi në diktaturë. Duhet guxim për çdo akt të mosbindjes civile”, ka thënë Berisha./ CNA





Lajmet e fundit nga