web counter
LEXO PA REKLAMA!

SHKARKO APP

App Store
Google Play

E fundit!

x

Reflektimi i Berishës/ U qeverisëm nga Rilindja një dekadë, më e zeza në histori

2 Dhjetor 2023, 12:02, Politikë CNA

Reflektimi i Berishës/ U qeverisëm nga Rilindja një dekadë,

Ish-kryeministri Saliu Berisha, ndërsa ndodhemi në muajin e fundit të vitit 2023, ka bërë një reflektim të thellë duke kujtuar se prej 10 vitesh, një dekadë , vendi po qeveriset nga Rilindja.

Berisha, në fjalën e tij në Kuvendin Kombëtar të PD-së, thotë se kjo është dekada më e zezë në historinë e Shqipërisë ku kanë humbur votën e lirë, shteti është shndërruar në narkoshtet dhe është plaçkitur prona private.

"Jemi në mbyllje të viti 2023. Sot ju ftoj të bëjmë një reflektim pak më të thellë. Një dekadë që qeverisemi nga Rilindja, më e zeza në historinë e Shqipërisë. Humbëm votën e lirë. Një dekadë në të cilën arritjet tona iu shpërbënë. Shteti ligjor u zëvendësua nga narkoshteti. Kjo është dekada e shkatërrimit.

Sot kombi ynë është shpresë humbur. Të rinjtë nuk gjejnë të ardhme në këtë vend. Trupi i kombit i kapluar nga metastazat e krimit. Kombi më i plaçktiur nga kombet e Europës. Prona private grabitet nga investitorët strategjik.

Nuk kemi gjykata popullore , por SKAPET dhe gjykatat e partisë që përdoren për tu dhënë grushte opozitës.

E kanë shndërruar Tiranën në Beograd të dytë.

Popullsia është ulur me 35 % në 10 vite. Me braktisjen e vendit dhe dominimin e vdekjeve mbi lindjet, kombi ynë është një komb me vdekje që as në komunizëm nuk ndodhi.

Kjo ndodhi nën ndikimin e një demoni që ka kapur çdo pushtet dhe ky demon është Edi Rama", tha Berisha. / CNA





Lajmet e fundit nga