web counter
LEXO PA REKLAMA!

SHKARKO APP

App Store
Google Play

E fundit!

x

Raporti i OSBE/ Lutfi Dervishi: Nga PS nuk pati reagime, shpresojmë që Diella të ketë një mendim

23 Tetor 2025, 22:32, Aktualitet CNA

Raporti i OSBE/ Lutfi Dervishi: Nga PS nuk pati reagime, shpresojmë që

Gazetari Lutfi Dervishi ka komentuar mbrëmjen e sotme raportin final të OSBE/ODIHR për zgjedhjet e 11 majit. I ftuar në A2CNN, Dervishi tha se ky raport nuk tregoi asgjë që më herët nuk dihej. Ai tha se i vetmi element i ri ishte fakti se për herë të parë u shkrua që zgjedhjet nuk i raportojnë mediat.

Gazetari foli edhe për mosreagimet e socialistëve, që sipas tij është neglizhencë që do të ndodhë diçka që do të largojë vëmendjen nga raporti. Duke ironizuar, Dervishi se shpreson që ministrja dixhitale të ketë një reagim për raportin.

“Asgjë e re nga zgjedhjet. Nuk mësuam diçka që nuk e dinim nga ky raport. Në vitin 2025 ne kemi regres në zgjedhje. Regres te administrata, reagimi i policisë, patronazhimi. Kemi përkeqësim. Nuk më bën përshtypje raporti që ishte pak më i drejtpërdrejt. Për herë të parë u shkrua që zgjedhjet nuk i raportojnë mediat. Reagimet e para janë pesimiste ndaj këtij raporti. Përfaqësuesit e PS, që nuk lenë centimetër pa bërë postime, nuk kanë gjetur kohën për të folur për këtë raport. Reagimi është më i keq se vetë raporti, është neglizhencë që do të ndodhë diçka tjetër dhe nuk do të merremi aspak për të. Shpresojmë që të ketë ndonjë mendim Diella”, tha Dervishi. /CNA





Lajmet e fundit nga