web counter
LEXO PA REKLAMA!

SHKARKO APP

App Store
Google Play

E fundit!

x

1 vit në qeli/ Meta rrëfehet: Proces inkuizitiv i frymëzuar nga Rama, qëllime më të errëta se arrestimi im

23 Tetor 2025, 15:55, Aktualitet CNA

1 vit në qeli/ Meta rrëfehet: Proces inkuizitiv i frymëzuar nga

Kreu i Partisë së Lirisë, Ilir Meta, ka rrëfyer ditët e tij në qeli, teksa më datë 21 tetor u bë një vit nga dita e arrestimit të tij.

Në një intervistë në “Syri Tv”, Meta është shprehur se vendimi ndaj tij është frymëzuar nga deklaratat e kryeministrit Edi Rama.

Meta hodhi akuza se pas qëndrimit të tij në qeli fshihen qëllime më të errëta.

“Rrëmbimi im kriminal u parapri nga një fushatë e përgjithshme frikësuese që në korrik 2023 e deri në 21 tetor 2024 kur ndodhi rrëmbimi i mirëmenduar kriminal, që kishte qëllime shumë më të errëta se thjesht arrestimi im.

Gjithçka synonte largimin tim nga vendi, sepse kështu do vetëfajësohesha dhe gjithë mashtrimet e investuara kundër meje prej 25 vitesh do bëheshin të vërteta.

Po kështu edhe Partia e Lirisë, që ka qenë një stres i madh për shumë faktorë malinj të brendshëm e të jashtëm.

Por llogaritë e tyre nuk ecën siç besuan ata dhe grupi i SPAK-ut, siç u pagëzua me të drejtë në Partinë e Lirisë.

Në pamundësi për të justifikuar gjithë mashtrimet dhe hamendësimet e tyre të frymëzuara nga Edi Rama në dosjen ku nuk ekziston asnjë provë apo fakt penal kundër meje dhe duke përshkallëzuar më tej shkeljen e të drejtave të mia në paraburgim, ata synojnë të ecin drejt një procesi inkuizitiv që s’ka asnjë lidhje me procesin e rregullt ligjor, e aq më tepër me Konventën Europiane të të Drejtave të Njeriut”,-tha Meta./CNA





Lajmet e fundit nga