Betimi i 42 gjyqtarëve të rinj/ Kreu i KLGJ-së: Duhet balancë mes drejtësisë së ligjit dhe hyjnores

23 Tetor 2025, 12:35, Aktualitet CNA

Betimi i 42 gjyqtarëve të rinj/ Kreu i KLGJ-së: Duhet

Kryetari i Këshillit të Lartë Gjyqësor, Ilir Rusi, ishte sot i pranishëm në ceremoninë e betimit të 42 gjyqtarëve të rinj, të cilët kanë përfunduar Shkollën e Magjistraturës në vitin akademik 2022-2025.

Në fjalën e tij, Rusi ndau mesazhe për rrugëtimin që i pret këta gjyqtarë, teksa nuk ngurroi të jepte edhe mesazhe.

Rusi tha se marrja e detyrës së gjyqtarit dhe magjistratit është një moment i rëndësishëm, e jo vetëm një betim solemn, pasi mbi të gjitha duhet vendosur një balancë mes drejtësisë, ligjit dhe drejtësisë hyjnore.

“Shtëpia flet o e para, o e fundit, por këtë herë i foli të dyja. Tashmë fillon një rrugëtim tjetër. Të jesh magjistrat, por sidomos gjyqtar, do të thotë të kesh përgjegjësi të madhe mbi vete, por momenti që keni një mision. Të jesh i drejtë dhe të japësh drejtësi janë gjëra të ndryshme. Të gjithë duhet të jemi në radhë të parë njerëz. Nëse ka ardhur edhe momenti i tavolinës suaj, ata që presin me padurim se çfarë do vendosni ju, jeni drejtësia. Duhet të keni një balancë mes drejtësisë së ligjit dhe asaj hyjnore. Dinamika e gjitha zhvillimit është e drejta e fjalës. Ju mund të gjykoni vetë, por mund të gjykoni edhe të tjerët. Ligjet janë ato që janë, opinioni e gazetaria po ashtu. Mundohuni të kuptoni se nuk është vetëm një betim solemn, por ju do jeni vëmendja e të gjithëve, jo te ju personalisht, por te profesioni juaj. Vendimi ka shumë rëndësi. Identiteti dhe integriteti janë gjërat më të rëndësishme që mund të ketë njeriu. U uroj suksese atyre që kanë besuar te kjo dhe familjet që bijtë e tyre kanë arritur të bëhen magjistratë e gjyqtarë dhe mos jini krenarë ende për vetën tuaj, por këtë le ta tregojë puna”,-tha Rusi./CNA