web counter
LEXO PA REKLAMA!

SHKARKO APP

App Store
Google Play

E fundit!

x

Pakti Kosovë-Britani për strehimin e azilkërkuesve/ Analisti: Zgjidhje e përkohshme

22 Tetor 2025, 21:07, Aktualitet CNA
Pakti Kosovë-Britani për strehimin e azilkërkuesve/ Analisti:
Altin Gjeta

Altin Gjeta, analist dhe pedagog në Universitetin e Birminghamit në Britaninë e Madhe, ka folur në një intervistë për CNA TV për samitin e Procesit të Berlinit që po mbahet në Londër dhe bisedimet që po zhvillohen atje.

I pyetur për paktin Prishtinë-Londër për strehimin në Kosovë të azilkërkuesve të refuzuar nga Britania, ai tha se është skeptik për zgjidhje të tilla pasi sipas tij, nuk e adresojnë probleëmin në themel.

Ai shtoi se ky pakt është me interes edhe për Kosovën, ndonëse mund të mos funksionojë, për shkak se i duhet një mbështetje e vazhdueshme të Mbretërisë së Bashkuar në çështjet e mbrojtjes dhe sigurisë. Kjo për shkak se në veri ka një fqinj si Serbia.

"Unë isha i ftuar nga një institut prestigjioz në Londër, i cili merret me çështjet e sigurisë dhe mbrojtjes. Edhe sigurisht ishte një takim i mbyllur ku u diskutuan disa nga çështjet dhe nuk mund të jap detaje për këtë. Mbretëria e Bashkuar, siç thashë, po mundohet që në një ose disa nga vendet e Ballkanit Perëndimor të ndërtojë qendra, qendra tëpërpunimit të emigrantëve të paligjshëm. Se sa kjo do të realizohet në praktikë, nuk di ta them, por personalisht po e ritheksoj edhe një herë, jam skeptik për zgjidhje të tilla të përkohshme sepse kjo nuk e adreson problemin në themel.

Megjithëse, siç e kemi parë edhe me rastin e marrëveshjes me Italinë, nuk ka funksionuar, sepse organizatat e të drejtave të njeriut, sistemi gjyqësor e ka sfiduar ligjshmërinë e këtyre qendrave. Por nëse ne e mendojmë në një plan pak më strategjik dhe politik, duhet ta konsiderojnë si mundësi brenda kapacitetit të tyre. Brenda kapacitetit të tyre, sigurisht në këmbim të interesit reciprok. Dhe veçanërisht Kosova ka një interes në mbështetjen e vazhdueshme të Mbretërisë së Bashkuar në çështjet e mbrojtjes dhe sigurisë, për shkak se në veri ka një fqinj, që është Serbia, i cili nuk e ka pranuar faktin që Kosova është një shtet i pavarur, është një realitet politik, edhe ka përdorur çdo mekanizëm për ta destabilizuar, për të shkaktuar probleme në veri, për të tërhequr njohjet ndërkombëtare që i janë akorduar Kosovës, dhe për ta ë shfaqur Kosovën tek faktori ndërkombëtar si një shtet të dështuar. Edhe mendoj që në këtë kontekst, unë nuk marr përsipër sigurisht që të këshilloj qeverinë e Kosovës, sepse ajo ka mekanizmat, ka informacion, por mendoj që nëse e konsideron brenda kapaciteteve të veta, do të ishte në interes të Kosovës për shkak të fragjilitetit të pozitës ku ajo ndodhet në raport me Serbinë, por edhe në tërësi me procese të tjera që ka të bëjnë me sigurinë dhe mbrojtjen", u shpreh analisti Gjeta. /CNA





Lajmet e fundit nga