10-vjetori i Këshillit të Investimeve/ Balluku: Duhet të vijojmë me bashkëpunimin për një Shqipëri në BE

22 Tetor 2025, 19:32, Aktualitet CNA

10-vjetori i Këshillit të Investimeve/ Balluku: Duhet të

Në 10-vjetorin e Këshillit të Investimeve, zëvendëkryeministrja Belinda Balluku ka deklaruar se Shqipëria ka një vizion të qartë që është anëtarësimi në BE.

Në fjalën e saj, Balluku tha se një rol thelbësor në këtë vizion luan dhe Këshilli i Investimeve ku janë trajtuar dhjetëra çështje që përfshijnë klimën e biznesit si dhe sfidat e paparashikuara si tërmeti apo pandemia.

Balluku tha se falë bashkëpunimit janë ndërtuar zgjidhje të qëndrueshme të orientuara drejt integrimit europian.

Numri dy i qeverisë theksoi se Këshilli i Investimeve është një instrument kyç për ndërtimin e një ekonomie më konkurruese dhe fitimprurëse.

Sipas Ballukut duhet vijuar me frymën e bashkëpunimit për një Shqipëri më të zhvilluar, më të fortë dhe për një Shqipëri në BE.

“Sot Shqipëria ka një vizion të qartë, anëtarësimin në BE.

Në këtë aspekt ka luajtur një rol thelbësor Këshilli i Investimeve. Janë trajtuar dhjetëra çështje që përfshijnë klimën e biznesit dhe sfidat e paparashikuara si rasti i tërmetit dhe pandemisë. Këshilli ka qenë gjithmonë aty falë bashkëpunimit të sinqertë kemi arritur të ndërtojmë zgjidhje të qëndrueshme të orientuara drejt integrimit europian. Në vetvete këshilli përfaqëson jo vetëm një forum dialogu, por një qasje gjithpërfshirëse që siguron politika të balancuara dhe të zbatueshme.

Sot pas një dekade pune Këshilli i Investimeve nuk është thjesht forum por instrument kyç për ndërtimin e një ekonomie më konkurruese dhe fitimprurëse. Të vijojmë me këtë frymë bashkëpunimi për një Shqipëri më të zhvilluar, më të fortë dhe për një Shqipëri në BE”, tha Balluku./ CNA