Raporterët e Këshillit të Europës i shkojnë në zyrë Berishës/ Pas tij, takojnë edhe Bardhin

26 Shtator 2023, 20:00, Politikë CNA

Raporterët e Këshillit të Europës i shkojnë në

Kryetari i Partisë Demokratike, Sali Berisha priti sot në një takim një delegacion të raporterëve të Asamblesë Parlamentare të Këshillit të Europës të përbërë nga Asim Mollazada, Jonut Stroe, Bas Klein dhe Giulia Re, shefe e zyrës së KiE në Shqipëri.

Berisha tha se Shqipëria gjendet në mesin e një krize që ka të bëjë me “marrdhënien speciale” mes krimit dhe votës nën qeverisjen e Edi Ramës.

Teksa u ndal te zgjedhjet në Kukës, ai deklaroi se “zgjidhja e kësaj marrëdhënieje krim-zgjedhje është një nga pikat ku KiE duhet të japë kontribut”.

Raporterët e Këshillit të Europës i shkojnë në

Gjithashtu, Berisha hodhi hije dyshimi mbi systemin e drejtësisë, ndërsa për zgjedhjet e 14 majit ngriti akuza për vjedhje dhe presion politik.

“Administrata u kthye në ‘polici politike elektorale’ dhe qeveria krijoi 1.3 milion votues nomadë duke u ndërruar në momentin e fundit qendrën e votimit”, u shpreh ish-kryeministri.

Pas Berishës, raporterët e KiE-s takuan edhe deputetët Gazment Bardhi dhe Jorida Tabaku.

Raporterët e Këshillit të Europës i shkojnë në

Bardhi shprehu shqetësim mbi nevojën e forcimit të luftës kundër korrupsionit, përmbylljen e Reformës Zgjedhore me qëllim garantimin e zgjedhjeve të lira e të ndershme, si dhe forcimin e mekanizmave parlamentar për llogaridhënien nga Qeveria.

“I falenderuam për qëndrimin e tyre në raportin pararendës ku theksohej se të gjitha demokracitë kanë nevojë për një opozitë që funksionon mirë dhe që siguron sistemin e duhur të kontrolleve dhe balancave të pushtetit. Në përgjigje të thirrjes së tyre në raportin e Tetorit 2022 që Partia Demokratike të kapërcejë mosmarrëveshjet e brendshme dhe të luajë rolin e saj të rëndësishëm në qeverisjen e vendit, ku të përfshihen të gjitha palët, i informova për përpjekjet për të bërë opozitën funksionale në Parlament dhe për të kapërcyer konfliktin e brendshëm partiak, përmes ndërtimit të një axhende të përbashkët opozitare” deklaroi Bardhi./ CNA

Raporterët e Këshillit të Europës i shkojnë në