LEXO PA REKLAMA!

SHKARKO APP

Sulmi në Kosovë/ Berisha, akuza Rusisë: U porosit nga Kremlini, Vuçiç organizatori

25 Shtator 2023, 12:21, Politikë CNA
Sulmi në Kosovë/ Berisha, akuza Rusisë: U porosit nga Kremlini,
Sali Berisha

Në një deklaratë për mediat ish-kryeministri Sali Berisha hodhi akuza ndaj Serbisë dhe Rusisë për sulmin e ndodhur një ditë më parë në komunën e Lepasoviqit në Kosovë. 

Sipas Berishës, Aleksandër Vuçiç ka qenë organizator i kryengritjes së armatosur në Kosovë, e cila u porosit nga Kremlini. 

"Kryengritja e armatosur e organizuar nga Beogradi, filloi dje në Zveçan në territorin e manastirit të Banjskës nga një grup terroristësh prej 30 vetësh, i përbërë nga oficerë të ushtrisë serbe, mercenarë rusë dhe kriminelë lokalë të armatosur gjer në dhëmbë, i cili në orën 3:00 të mëngjesit sulmoi me të tëra mjetet njësitë e policisë së Kosovës dhe vrau në detyrë, rreshterin Afrim Bunjaku dhe plagosi dy të tjerë.
Kryengritja që kishte për synim vënien në kontroll të territorit të veriut të Kosovës, shënonte edhe fillimin në rajon të konfliktit të porositur dhe shumëpritur nga Kremlini.
Por policia e Kosovës, me guxim dhe profesionalizëm të lartë, pas shumë orësh luftimesh të ashpra, në të cilat u vranë disa anëtarë të grupit të armatosur terrorist, arriti të shtypë kryengritjen dhe të vendosë nën kontroll të plotë manastirin dhe të gjithë territorin e vendit.
Para këtyre zhvillimeve dramatike, serbomadhi Vuçiç me heshtjen e tij të plotë prej 19 orësh, pohoi qartësisht se ishte organizator i kryengritjes së armatosur në Kosovë.
Ai foli vetëm pasi kryengritja u shtyp në Kosovë dhe humbi çdo shpresë për suksesin e saj.
Ai, pas 19 orësh, deklaroi se ishte një kryengritje e serbëve të Kosovës kundër Albin Kurtit, duke faktuar se qëndronte prapa saj", u shpreh Berisha. 

 

Lajmet e fundit nga