LEXO PA REKLAMA!

SHKARKO APP

Paketa e Sigurisë/ Balla u kërkon bashkëpunim nxënësve në Kamëz: Mos bini pre e rrjeteve të trafikantëve

25 Shtator 2023, 09:46, Politikë CNA
Paketa e Sigurisë/ Balla u kërkon bashkëpunim nxënësve
Taulant Balla dhe Muhamet Rrumbullaku

Ministri i Brendshëm, Taulant Balla, gjatë një inspektimi në shkollën "Ibrahim Rugova", ku ishte i pranishëm edhe kryetari i Bashkisë Kamëz, Rakip Suli, u shpreh se senati i shkollës duhet të bashkëpunojë me Policinë që asnjë prej nxënësve të mos bjerë pre e rrjeteve të trafikantëve. 

Në kuadër të takimeve, për të prezantuar elementë të Paketës së Sigurisë në Shkolla, Balla u kërkoi nxënësve e veçanërisht Senatit, të bëhen më bashkëpunues me Policinë duke komunikuar më shumë me ta, e ndarë shqetësime e informacion.

"Me kryetarin e Bashkisë Kamëz, Ministrinë e Arsimit dhe rolin e veçantë të Policisë së Shtetit duam të krijojmë më shumë siguri në shkolla dhe perimetrin që i rrethon. Në këtë përpjekje të përbashkët edhe Senati i Shkollës ka rol të rëndësishëm për të krijuar bashkëpunim mes oficerit të sigurisë, mësuesit. Policia e Shtetit është në këtë pozicion për të kryer detyrën me përpikmëri. Prindërit tuaj paguajnë taksa, që ne të bëjmë detyrën për të garantuar sigurinë tuaj, u kemi dhënë besën, ta bëjmë më mirë këtë punë sesa deri tani. Senati duhet të marrë vendim, që do bashkëpunojë me Policinë e Shtetit që asnjë prej nxënësve të mos bjerë pre e rrjeteve të trafikantëve.
Punonjësit e policisë janë në detyrë të garantojnë sigurinë tuaj. Kemi hyrë në fazë të re, me Paketën e Sigurisë në shkolla. Edhe me ju, nxënësit duam të kemi bashkëpunim më të mirë", u shpreh ministri i Brendshëm.

Drejtori i Përgjithshëm i Policisë, Muhamet Rrumbullaku, u kërkoi nxënësve t'i besojnë më tepër Policisë së Shtetit.

 

 

Lajmet e fundit nga