E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

Rama, furnizuesve të naftës: Kriza në Lindjen e Mesme nuk mund të projektohet mbi supet e konsumatorëve

18 Mars 2026, 13:40, Politikë CNA

Rama, furnizuesve të naftës: Kriza në Lindjen e Mesme nuk mund

Kryeministri Edi Rama, në një bashkëbisedim me furnizuesit e naftës u ka bërë thirrje që të ruajnë ekuilibrin në treg dhe të mos reflektojnë të gjithë barrën e krizës në Lindjen e Mesme mbi qytetarët.

Gjatë një komunikimi me operatorët e tregut, Rama theksoi se qeveria është në proces konsultimi për një ligj të ri mbi rezervën shtetërore të karburanteve, e cila synohet të zgjerohet fizikisht deri në 100 ditë furnizim.

Ai bëri me dije gjithashtu se po punohet për finalizimin e një nisme për të futur në treg një distributor shumice me pjesëmarrje shtetërore. Sipas tij, ky mekanizëm do të garantojë furnizimin me sasi të mjaftueshme dhe do të lehtësojë marrëdhëniet me palët e treta, duke reduktuar varësinë nga ndërmjetësit.

Kryeministri nënvizoi se, për momentin, nuk është parë e nevojshme ndërhyrja përmes bordit të transparencës, duke qenë se dialogu me operatorët ka funksionuar. Megjithatë, ai paralajmëroi se qëllimi mbetet mbrojtja e konsumatorëve.

“Kemi konsultim për ligjin për rezervën shtetërore që duhet të shtrihet fizikisht në 100 ditë. Jemi në punë për të finalizuar një nismë që kemi ndërmarrë për të futur në treg si distributor shumice një faktor shtetëror. Do të garantojë sasira të nevojshme duke pasur mbështetjen shtetërore dhe nga ana tjetër do të lehtësojë marrëdhëniet me të tretët që kalon përmes brokerave.

Kjo është pasqyra e përmbledhur. Do t'ju këkoj të ruani këtë ekuilibër që keni ruajtur deri tani. Nuk e kemi parë të arsyeshme duke nisur nga komunkimet që të hedhim hapin dhe të kalojmë në bord pasi nëse dialogu funksionon si tani ne qëllimin s'e kemi t'ju shtrëngojmë, por te merremi vesh që kriza në Lindjen e Mesme nuk mund të projektohet e tëra mbi supet e konsumatorëve. Kjo do thotë marzhe të ulta fitimi për ju po më mirë marzhe të ulëta se bordi mbi kurriz”, tha Rama./ CNA