web counter
LEXO PA REKLAMA!

SHKARKO APP

App Store
Google Play

E fundit!

x

Integrimi në BE/ Demo: Po vjen një cunami, kryebashkiakët duhet të ngrenë veten

17 Mars 2026, 12:32, Politikë CNA

Integrimi në BE/ Demo: Po vjen një cunami, kryebashkiakët duhet

Ministri i Shtetit për Pushtetin Vendor, Ervin Demo, në një konferencë për shtyp, i është përgjigjur interesit të gazetarëve në lidhje me reformën territoriale, punën e bashkive dhe si do të ndikojë ky ndryshim në procesin e integrimit të BE-së në Shqipëri.

Sipas Demos, kjo është një sfidë e vështirë, duke e konsideruar një cunam në lidhje me detyrat që duhet të përmbushin bashkitë për të mos u kthyer sërish në problematikat që kanë pasur më parë.

“Momenti që ne e përkujtojmë këtë ëndërr për dekada, pra integrimin, të gjithë jemi duke u përgatitur që kapitulli të mbyllet në 2027. Mendoj që edhe në momentin që do jemi në BE kemi shumë për të bërë. Procesi i integrimit është shumë kompleks. Objektivi që ka qeveria, që të mbyllim kapitullin në 2027 nuk do thotë që çdo gjë është zgjidhur, por kërkon një transformim radikal të të gjitha institucioneve.

Një cunami është duke ardhur sa u përket detyrave që duhet të bëjnë bashkitë.

Besoj që mentaliteti është më i vështirë për t'u ndryshuar sesa një paketë ligjore.

Ky realitet i ri kërkon shumë energji nga të gjitha institucionet dhe ato lokale, duhet të jenë të gatshëm të ngrenë veten në një nivel tjetër, duhet t’i fasilitojmë me instrumente, se kjo është një sfidë e përbashkët. Është një sfidë që i përket të gjithë shoqërisë, jo vetëm institucionit.

Kjo prek çdo qelizë të shoqërisë. Është një sfidë e lehtë, por e rëndësishme është që kemi qasjen e duhur dhe po ndërtojmë instrumente që këtij rrugëtimi t’i përgjigjemi me sukses”, tha Demo./ CNA





Lajmet e fundit nga