web counter
LEXO PA REKLAMA!

SHKARKO APP

App Store
Google Play

Rezoluta për Iranin/ Demokrati zbulon arsyen: Ja pse PD nuk ishte në Kuvend

17 Mars 2026, 21:41, Politikë CNA

Rezoluta për Iranin/ Demokrati zbulon arsyen: Ja pse PD nuk ishte në

Demokrati Ilir Alimehmeti tha sot se demokratët kishin arsye për të mos qenë sot të pranishëm në Kuvend, teksa këtë të martë u miratua rezoluta e Shqipërisë për Iranin.

Në një studio televizive, Alimehmeti tha se bojkoti i opozitarëve erdhi për shkak të mungesës së njoftimit sipas rregullores për seancat që mbahen për çështje urgjente.

“Kryetari i Partisë Demokratike Sali Berisha ka shpallur Gardën Revolucionare të Iranit si organizatë terroriste, duke thënë; jemi në krah të Shteteve të Bashkuara të Amerikës dhe Izraelit në përpjekjen e tyre për të rrëzuar regjimin e Ajotollahëve. Arsyeja pse PD-ja nuk ishte në Kuvend është se PD-ja nuk ishte njoftuar. Unë mendoj se ky shtet është komplet jo kushtetues dhe jo ligjor, funksionon, jashtë ligjeve, jashtë rregullores dhe jashtë Kushtetutës. E përcakton shumë qartë rregullorja që seancat janë ditën e enjte. Nuk është e enjte sot. Rregullorja thotë  se seancat mund të mbahen kur janë çështje urgjente, apo janë projektvendime të kërkuar me procedurë të përshpejtuar. Elementi i dytë është që zbardhja e procesverbaleve të mbledhjeve të mëparshme ndodh kur ka edhe pika të tjera në rendin e ditës. Pra, nuk mund të mblidhet Kuvendi i Shqipërisë vetëm për zbardhur procesverbalet e kaluara që po ata i kanë bërë. Ndërkohë që seanca është ditën e enjte dhe ditën e enjte është normale të jetë seanca. Dhe fare mirë mund të ishte bërë ditën e enjte apo të ishte thënë që kemi këtë çështje urgjente që ta kuptonin të gjithë pse duhej mbledhja sot. Z. Peleshi nuk e kupton si funksionon rregullorja e Parlamentit. Nëse kryetari i Parlamentit nuk e di që duhet ta vendosë në rend dite diçka, atëherë ma thoni se çfarë do të thotë kjo. Ajo çfarë po ndodh në Lindjen e Mesme është çështje serioze. Është një peshë tejet e madhe, duhet konsideruar me shumë seriozitet, kërkonte diskutim nga të gjitha palët”,-tha Alimehmeti./CNA

 





Lajmet e fundit nga