web counter
LEXO PA REKLAMA!

SHKARKO APP

App Store
Google Play

Salianji në delir: Kam organizuar takime më të mëdha edhe sesa Berisha

17 Mars 2026, 22:14, Politikë CNA

Salianji në delir: Kam organizuar takime më të mëdha edhe

Ervin Salianji nuk u ndahet deklaratave të tij publike që janë shumë larg realitetit.

Në një dalje mediatike, Salianji u shpreh se ndryshimet brenda Partisë Demokratike kërkojnë organizime të mëdha, madje shkoi deri aty sa ngriti pretendime se takimet e tij nëpër qarqe kanë qenë me përmasa më të mëdha edhe nga ato të kryedemokratit Sali Berisha. 

Salianji tha se PD duhet të jetë një parti alternativë për qeverisjen e vendit, që do të mundë Edi Ramën, duke harruar se vetë është një nga njerëzit që i shërbejnë kryeministrit.

“Ne tani po shkojmë në regres mendimi ndryshe. Unë deri deri në këtë moment nuk kam shfaqur mendim dhe kam shfaqur disa problematika në Partinë Demokratike që askush nuk i kundërshton. Pra, nuk merret asnjeri me ato që unë them, por merren me “vetëpërjashtimin”. Ne nuk mund të shkojmë në regres. Përpjekja e shoqërisë është për të shkuar përpara. Nevoja e demokratëve, por dhe e shoqërisë është që të ketë një parti demokratike e cila të jetë alternativë për të qeverisur dhe ta mundë Edi Ramën, sepse premtimi ky ishte: që do të mund Edi Ramën. Nëse ne si Parti Demokratike dhe si opozitë kemi kritikë disa mujore për ndryshimin që i bën Rama ligjeve kur nuk i shkojnë në favor zëvendëskryeministres, me ndryshimin e kodit të procedurës për heqjen e pezullimit të funksionit të ministrit, të kryeministrit, është një rast tipik që e ndryshon ligjin kur nuk i intereson apo dy standartet dhe mosbarazia para ligjit. Kështu që Partia Demokratike nëse nuk krijon epërsi morale dhe të jetë ndryshe nga qeveria e ka të vështirë që të fitojë dhe kjo pastaj krijon një lloj uzurpimi të Partisë Demokratike që bëhet për interesa personale, thellësisht personale. Dikush për një funksion politik apo për rrogë, dikush tjetër për diçka më shumë me sa duket në këtë Shqipëri dhe kjo është e qartë. Minimalisht ndryshimet vijnë duke folur, duke diskutuar dhe fatmirësisht në rastin e diskutimeve që kam pasur me demokratët, të paktën sallat që janë të matshme, kanë qenë takime më të mëdha sesa ka zhvilluar kryetari i partisë”,-tha Salianji./CNA

 

 

 

 





Lajmet e fundit nga