web counter
LEXO PA REKLAMA!

SHKARKO APP

App Store
Google Play

“Qeveria e kaluar shiti në mënyrë kriminale asetet”/ Rama: Së shpejti arrihet pavarësia e plotë energjetike

29 Prill 2025, 13:37, Politikë CNA

“Qeveria e kaluar shiti në mënyrë kriminale asetet”/

Kryeministri Edi Rama ishte sot i pranishëm në takimin e organizuar në Fier me fokus te sektori energjetik. Në fjalën e tij, Rama vuri theksin te domosdoshmëria e projekteve në këtë fushë.

Rama tha se qeveria e kaluar ka punuar në këtë sektor me bazën materiale të komunizmit dhe akuzoi se dhënia në atë kohë e aseteve një kompanie private ishte një vepër kriminale.

“Sikur të kishim situatën energjetike që ishte para këtij transformimi, janë fakte që na bëjnë mjaft optimistë për të nesërmen e sektorit, atëherë gjithë e nesërmja e sektorit është optimiste. Fakti që sot ne flasim për prodhim të brendshëm të 2-fishuar është domethënës. Kjo duke menduar që kjo përpjekje u nis me bazën materiale të komunizmit. Dhe asetet iu dhanë një privati, me një argumentim që në vetvete është vepër penale e pastër”,-tha Rama.

Rama u shpreh se në kohët e sotme, lind si nevojë jo vetëm rritja e prodhimit të energjisë, por edhe shumëllojshmërisë së burimeve, për shkak të ndryshimeve klimatike.

Rama tha se shumë shpejt do të arrihet edhe pavarësia e plotë e energjetikës në vend.

“Nuk është vetëm rritja e prodhimit, por edhe diversifikimi i bazës, që ishte vetëm hidro, që ka gjithë vulnerabilitetin e nevojshëm, pa menduar edhe për ndryshimin e klimës. Diversifikimi me 10% që sot vjen nga dielli, me fillimin edhe të disa projekteve të erës, me inovacionin që do të kemi fatin të kemi sistemin e pompimit të ujit, besoj se kemi arsye të mendojmë se pavarësia e plotë energjetike e Shqipërisë është afër”,-tha Rama./CNA





Lajmet e fundit nga