web counter
LEXO PA REKLAMA!

SHKARKO APP

App Store
Google Play

"Pse nuk jep dorëheqjen, ke kryetarin e bashkisë në burg?"/ Rama, elozhe Altin Dumanit dhe SPAK-ut

29 Prill 2025, 10:04, Politikë CNA

"Pse nuk jep dorëheqjen, ke kryetarin e bashkisë në

Kryeministri Edi Rama, në episodin e radhës të rubrikës "Sy M’Sy", u është përgjigjur pyetjeve të komentuesve në rrjetet sociale.

Njëri prej tyre e pyet pse ende nuk ka dhënë dorëheqjen kur kryetarin e bashkisë së Tiranës, Erion Veliajn, e ka në burg.

Kryeministri i është përgjigjur duke i bërë elozhe Altin Dumanit dhe SPAK-ut.

“Ku i ke parë këto dorëheqje me asocacion që nuk e kuptoj fare. Historia e proceseve hetimore dhe gjyqësore është shpresa e kënetës së madhe dhe moçaleve të vogla ata që nuk realizojnë dot në fushën elektorale me popullin mendojnë ta realizojnë duke nxitur SPAK-un dhe duke menduar se SPAK-u do të shkrijë PS-në dhe nga ana tjetër duke bërë presionin qesharak që si mund të votohet ky kanë gjysmën e qeverisë në burg.

Populli është një shkallë më lart se ju dhe nuk e ha këtë lloj propagande. Sepse populli ka një kujtesë dhe ka një arsyetim. Pse nuk ndodhi më përpara që dikush me pushtet të hetohej dhe të vihej nën akuzë, të dënohej, pse nuk ndodhi më parë. Ndodhi për shkakun tënd apo të kënetës tënde.

Nuk je përfitues i atyremilionave e që dalin nga barku i kënetës. Nga dolën ato 6 milionë i di ti se unë nuk e di apo patriotët?

Kjo teoria nuk funksionon fare, hiç, zero.

PS do të marrë rezultatin më të mirë seç ka marrë në drejtimin tim pasi shihet fakti i vendosjes së barazisë para ligjit.

E njeh Altin Dumanin, e di se kush është? Është një prokuror me integritet, me kurajë dhe profesionalizëm. Kështu e tregojnë dhe kështu duket të jetë.

Personalisht nuk e njoh. Njoh punën dhe faktet. Që kur erdhi në drejtimin e SPAK-ut lufta për barazinë shkoi në një nivel tjetër. E di ti që Altin Dumani nuk erdhi nga hëna dhe nuk e sollën me anije nga një vend tjetër, e di që është shqiptar i lindur këtu në vendin tonë dhe me karrierë prej shumë vitesh prokuror. Pse nuk e kishit dëgjuar këtë Dumanin më përpara. Ka kaluar vetingun, nuk mund ta dyshosh për pisllëqe pavarësisht se këneta është përpjekur t’i hedhë llumin e saj mbi kokë.

Është historia e kënetës jo e tij, për shkak se bëjnë detyrën përballen me llumin.

Si ka mundësi që një njeri që ka qenë prokuror prej kaq shumë vitesh nuk ka thirrur një herë një politikan apo një figurë të lartë? Ka pasur frikë? Jo, nuk e mendoj. Por nuk ka pasur fuqi se ka qenë i çarmatosur. Nuk ka qenë pjesë e llumit që u pastrua nga vetingu. Ka qenë i çarmatosur”, tha Rama./ CNA





Lajmet e fundit nga