web counter
LEXO PA REKLAMA!

SHKARKO APP

App Store
Google Play

Balla, thirrje shqiptarëve të Greqisë: Tërhiqni sa më shpejt zarfin me fletën e votimit dhe dorëzojeni

29 Prill 2025, 08:38, Politikë CNA

Balla, thirrje shqiptarëve të Greqisë: Tërhiqni sa më

Nga Athina, drejtuesi Politik i Partisë Socialiste për Diasporën, Taulant Balla, u ka bërë thirrje të drejtpërdrejtë bashkatdhetarëve shqiptarë në Greqi që ende nuk kanë tërhequr zarfin e votimit, ta bëjnë atë pa humbur kohë. 

"Tani ajo që na duhet dhe që duhet nga secili prej jush është që ata të cilët nuk e kanë tërhequr ende të lidhen menjëherë dhe të shkojnë ta marrin vetë zarfin me fletën e votimit," theksoi Balla, duke nënvizuar se koha është vendimtare për të garantuar që çdo votë të mbërrijë në Shqipëri brenda afatit, ora 19:00 e datës 11 maj 2025. 

Balla risolli në vëmendje se ky proces është historik, pasi për herë të parë diaspora ka të drejtën e votës dhe çdo votë e hedhur është një mbështetje e drejtpërdrejtë për Partinë Socialiste dhe kryeministrin Edi Rama:

"Për t’i dhënë Edi Ramës dhe Partisë Socialiste një fitore si asnjëherë tjetër, falë votës suaj, falë votës së diasporës," shprehet drejtuesi Politik i Partisë Socialiste, Taulant Balla, nga Athina. 

Balla falënderoi shqiptarët që tashmë kanë votuar dhe i ftoi të gjithë ata që e kanë tërhequr fletën e votimit ta dorëzojnë menjëherë në pikat postare të DHL-së, ose të nënkontraktorëve të saj, Kurier apo Speedex, në mënyrë që të sigurohet mbërritja në kohë e votës në Shqipëri për numërim më 11 maj./ CNA





Lajmet e fundit nga